კახა კახიშვილი: დამატებითი საგამოძიებო სტრუქტურების შექმნის მომხრე არ ვარ

2016-02-22 12:27:11, 756 ნახვა

სამართალი

სასჯელაღსრულებისა და პრობაციის მინისტრი კახა კახიშვილი დამოუკიდებელი საგამოძიებო ორგანოს შექმნის მომხრე არ არის. ამის შესახებ კახიშვილმა ჟურნალისტებს სასტუმრო "ჰოლიდე ინნ"-ში განუცხადა

"არ ვარ მომხრე დამატებითი სტრუქტურების შექმნის იმიტომ, რომ ასე ძალიან შორს წავალთ. თუ კომისარიატი გამოიძიებს უწყებაში მომხდარ დანაშაულს, კომისარიატში ჩადენილ დანაშაულს ვინღა გამოიძიებს?! მაშინ კომისარიატის კომისარიატი შევქმნათ და ა.შ.",-განაცხადა კახა კახიშვილმა.

სასტუმრო "ჰოლიდე ინნ"-ში დამოუკიდებელი საგამოძიებო მექანიზმის შექმნაზე ამწუთებში მსჯელობენ. კანონპროექტი 20-მდე არასამთავრობო ორგანიზაციამ შეიმუშავა და ის დამოუკდიებელი ორგანოს შექმნას გულისხმობს. კომისია მხოლოდ სამართალდამცავი ორგანოების წარმომადგენელთა დანაშაულებს გამოიძიებს და არც პროკურატურას და არც სამინისტროებს არ დაექვემდაბარება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან