მომდევნო ნაბიჯი უნდა იყოს, რომ აგენტების რეესტრში თვითონ "ოცნების" მაღალჩინოსნები დარეგისტრირდნენ რუსეთის აგენტებად,- ამის შესახებ "ერთიანი ნაციონალური მოძრაობის" გენერალურმა მდივანმა, პეტრე ცისკარიშვილმა "უცხოური გავლენის გამჭვირვალობის შესახებ" კანონთან დაკავშირებით განაცხადა.

ცისკარიშვილის თქმით, "ეს უნდა იყოს რეალურად შემდეგი ნაბიჯი", რომელსაც ქართული საზოგადოება 26 ოქტომბრის საპარლამენტო არჩევნების შემდეგ განახორციელებს.

"მომდევნო ნაბიჯი, მე მგონი, უნდა იყოს, რომ მაგ აგენტების რეესტრში თვითონ "ოცნების" მაღალჩინოსნები დარეგისტრირდნენ, როგორც უკვე, რუსეთის აგენტებად. ეს უნდა იყოს რეალურად შემდეგი ნაბიჯი, რომელსაც ქართული საზოგადოება, ჩვენი ერთიანობით განვახორციელებთ 26 ოქტომბრის შემდეგ. 

გამჭვირვალობა აუცილებლად მნიშვნელოვანია, რომ "ქართული ოცნების" ყველა ის წარმომადგენელი, ვინც რუსეთზე მუშაობს, ვინც ოფშორებიდან თანხების გადმორიცხვას ისე გეგმავს, რომ გადასახადი არ გადაიხადოს და საერთოდ, იმ თანხების წარმოშობა იყოს უცნობი, ამ მიმართულებით გამჭვირვალობა უაღრესად მნიშვნელოვანია და იმედი გვაქვს, რომ 26 ოქტომბრის შემდეგ განხორციელდება",- ამბობს ცისკარიშვილი.

ავტორი: ექსპრესნიუსი,

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა