2016-02-18 13:27:55, 539 ნახვა
საზოგადოება
ნაძალადევის რაიონში საგზაო სამუშაოები მიმდინარეობს
ნაძალადევის რაიონში, ბუგეულის ქუჩაზე გზის საფარის მოწესრიგების სამუშაოები მიმდინარეობს.
მერიის ინფორმაციით, საგზაო სამუშაოების დაწყებამდე ბუგეულის ქუჩაზე გამგეობამ სანიაღვრე სისტემის კაპიტალური სამუშაოები დაასრულა.
მათივე ცნობით, გამოიცვალა 400 დმ. 150 მეტრის სიგრძის მილი, დამონტაჟდა ჭები, ცხაურები და გვერდმიმღებები. საგზაო სამუშაოების ფარგლებში კაპიტალურად მოწესრიგდება სავალი ნაწილი და ტროტუარები.
“ნაძალადევის რაიონში მიმდინარეობს საგზაო სამუშაოები. ბუგეულის ქუჩის მოსახლეობა წლებია ელოდნენ სანიაღვრე-სადრენაჟე ქსელისა და საგზაო ინფრასტრუქტურის მოწესრიგებას, მინდა მათ მივულოცო, რომ ეს საქმე უკვე აქტიურ ფაზაშია და ადგილობრივი მოსახლეობა გაუმჯობესებულ გარემოში შეძლებს ცხოვრებას“, - განაცხადა ნაძალადევის რაიონის გამგებელმა ზაზა გაბუნიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
