2024-07-20 14:03:17, 441 ნახვა
მსოფლიო
ბლინკენი - აშშ-ის დახმარება უკრაინისთვის ნებისმიერი ადმინისტრაციის დროს შენარჩუნდება
უკრაინას ამერიკის კონგრესში ძლიერი ორპარტიული მხარდაჭერა აქვს, შესაბამისად მის მიმართ დახმარება ნებისმიერი პრეზიდენტის ადმინისტრაციის დროს შენარჩუნდება, - ამის შესახებ აშშ-ის სახელმწიფო მდივანმა, ენტონი ბლინკენმა განაცხადა.
როგორც ბლინკენმა აღნიშნა, თუ შეერთებული შტატები შეწყვეტს უკრაინის დახმარებას რუსეთი ამით ისარგებლებს.
„თუ ჩვენ გავჩერდებით, უკან დავიხევთ, ვუღალატებთ უკრაინას, რას იზამს პუტინი? ის გააძლიერებს აგრესიას და, შესაძლოა, ისარგებლებს შანსით და წარმატებას მიაღწევს იქ, სადაც დღემდე წარუმატებელი იყო. ის უკრაინაზე არ გაჩერდება. სავარაუდოდ, ის რეგიონის სხვა ქვეყნებსაც თავს დაესხმება, მათ შორის ნატოს მოკავშირეებს“, - განაცხადა ბლინკენმა.
ავტორი: ექსპრესნიუსი,
epn.ge (@expressnews.ge)
