მამაკაცი, რომელმაც დონალდ ტრამპის მოკვლა სცადა, არის 20 წლის თომას მეთიუ კრუკსი, ნათქვამია აშშ-ს გამოძიების ფედერალური ბიუროს განცხადებაში.

კრუკსი იყო ბეთელ პარკიდან, პენსილვანია, განაცხადა FBI-მა. ეს ქალაქი ბატლერიდან დაახლოებით 70 კილომეტრშია, სადაც მკვლელობის მცდელობა მოხდა.

გავრცელდა ვიდეო, თომას კრუკსის სოციალური ქსელიდან სადაც ის ამბობს, რომ ვერ იტანს რესპუბლიკელებს და დონალდ ტრამპს.

"ვერ ვიტან და მეზიზღებიან რესპუბლიკელები, ვერ ვიტან დონალდ ტრამპს, თქვენ ცუდი ბიჭი აირჩიეთ, ძალიან ცუდი" - ამბობს ერთ-ერთ ვიდეოში მსროლელი.

CNN წერს, რომ კრუქსი 2022 წელს დაამთავრებდა სკოლას, ეს შეიძლება ყოფილიყო პირველი არჩევნები, რომელშიც მას ხმის მიცემის უფლება ექნებოდა. ამასთან, ის, ისევე როგორც ტრამპი, რესპუბლიკელია, თუმცა 2021 წელს მან დემოკრატებს მცირე შემოწირულობა გაუწია..

აშშ-ის ყოფილი პრეზიდენტის მკვლელობის მცდელობაში ეჭვმიტანილი საიდუმლო სამსახურის თანამშრომლებმა ცეცხლსასროლი იარაღით მოკლეს. FBI-ის ცნობით, მას არ აქვს წინა სისხლის სამართლის ბრალდება. კრუქსი დარეგისტრირდა ამომრჩეველთა მონაცემთა ბაზაში რესპუბლიკელების მხარდამჭერად ხმის მისაცემად. მისი მოტივები ზუსტდება.

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა