როგორ ჩანს, ივანიშვილი ოხანაშვილს უფასებს რუსულ კანონთან დაკავშირებულ "გმირობას" და შესაძლებელია, მისი კანდიდატურა განიხილებოდეს გენერალური პროკურორის თანამდებობაზე,- ამის შესახებ "ერთიანი ნაციონალური მორაობის" წარმომადგენელმა, ლევან ბეჟაშვილმა განაცხადა.

ბეჟაშვილის თქმით, პარლამენტის მიერ რამე თანამდებობაზე გადაწყვეტილების მიღება არალეგიტიმური იქნება, რადგან პარლამენტის უფლებამოსილების შეწყვეტამდე რამდენიმე თვეა დარჩენილი.

"როგორ ჩანს, ოხანაშვილს ივანიშვილი უფასებს რუსულ კანონთან დაკავშირებულ "გმირობას“ და შესაძლებელია, მისი კანდიდატურა განიხილებოდეს გენერალური პროკურორის თანამდებობაზე. 

უნდა ითქვას, რომ ამ პარლამენტის მიერ რამე თანამდებობაზე გადაწყვეტილების მიღება იმთავითვე არალეგიტიმური იქნება, რადგან პარლამენტის უფლებამოსილების შეწყვეტამდე დარჩენილია რამდენიმე თვე. ამიტომ, ეს გადაწყვეტილებები, მათ შორის უზენაეს სასამართლოზე, გენერალურ პროკურორზე და სხვა მნიშვნელოვან პოზიციებზე, უნდა მიიღოს ახალი ლეგიტიმაციით, ახალმა პარლამენტმა. სხვა შემთხვევაში, ადგილი ექნება ხელისუფლების უზურპაციას",- ამბობს ბეჟაშვილი.

შეგახსენებთ, საქართველოს გენერალური პროკურორის თანამდებობა ვაკანტური მას შემდეგ გახდა, რაც აღნიშნული თანამდებობა 23 მაისს ირაკლი შოთაძემ დატოვა. 

ავტორი: ექსპრესნიუსი,

სოციალური ქსელები

უკრაინამ რუსეთის ბალტიის ფლოტს დაარტყა

Bloomberg: რუსეთის საწვავის კრიზისმა გავლენა მოახდინა ცენტრალურ აზიაზე

სოციალურ ქსელში კალაძეზე დაწერილი კომენტარის გამო მოქალაქე 2 000 ლარით დააჯარიმეს

უკრაინამ სანქტ-პეტერბურგში სამიზნეები დაბომბა