რუსეთის ფედერაციის პრეზიდენტი ვლადიმერ პუტინი აცხადებს, რომ "სამშვიდობო მოლაპარაკებებისთვის მზად არის". უკრაინული მედიის ცნობით, ამის შესახებ პუტინმა ქვეყნის საგარეო საქმეთა სამინისტროში სიტყვით გამოსვლისას განაცხადა.

მედიის ცნობით, პუტინმა ცეცხლის შეწყვეტისა და მოლაპარაკებების დაწყების პირობებიც დაასახელა და თქვა, რომ ამისთვის საჭიროა, უკრაინამ რუსეთის მიერ ოკუპირებული ყველა რეგიონიდან ჯარი გაიყვანოს.

რუსეთის პრეზიდენტის თქმით, უკრაინამ ნატოში გაწევრიანებაზეც უნდა თქვას უარი.

"უკრაინული ჯარები სრულად უნდა გაიყვანონ დონეცკის, ლუგანსკის, ხერსონისა და ზაპოროჟიეს ტერიტორიებიდან - საუბარია მთლიან ტერიტორიაზე, ამ რეგიონების ადმინისტრაციული საზღვრების ფარგლებში, რომლებიც მათი უკრაინის შესვლის მომენტისთვის არსებობდა. 

როგორც კი კიევი გამოაცხადებს, რომ მზად არიან ასეთი გადაწყვეტილების მისაღებად და დაიწყებენ ამ რეგიონებიდან ჯარების გაყვანას, ასევე ოფიციალურად გამოაცხადებს უარს ნატოში გაწევრიანების გეგმებზე, დაუყოვნებლივ, ფაქტობრივად იმავე წუთში გაიცემა ბრძანება ცეცხლის შეწყვეტისა და მოლაპარაკებების დაწყების შესახებ",- თქვა ვლადიმერ პუტინმა.

ავტორი: ექსპრესნიუსი,

სოციალური ქსელები

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება

აპრილში საქართველოსთვის ფულადი გზავნილების ძირითად წყაროს ევროკავშირის ქვეყნები და აშშ წარმოადგენდა