ქედის მუნიციპალიტეტის სახელოვნებო სკოლასთან არსებული ფოლკლორული ანსამბლი "ჩანგი" სიმღერისა და ცეკვის ბავშვთა ფოლკლორული ოლიმპიადის უმაღლესი ჯილდოს - გრან-პრის მფლობელია. ამის შესახებ ინფორმაციას ქედის მერია ავრცელებს.

მათი ცნობით, მუნიციპალიტეტის მერი როლანდი ბერიძე, პირველ მოადგილე იმედა ვასაძესთან და მოადგილე მამუკა ფარტენაძესთან ერთად, სახელოვნებო სკოლის ხელმძღვანელს ირინა დევაძეს, ანსამბლ "ჩანგის" ხელმძღვანელს, ნაზი სურმანიძეს და ფოლკლორული ანსამბლის წევრებს შეხვდა. 

"ოლიმპიადა ეტაპობრივად მიმდინარეობდა, პირველი შესარჩევი ეტაპი ყველა მუნიციპალიტეტებში გაიმართა, რომელშიც 69 ფოლკლორული ანსამბლი: 30 ხალხური ცეკვის და 39 ხალხური სიმღერის ანსამბლი მონაწილეობდა. მეორე ეტაპში 33 ანსამბლი მონაწილეობდა.

კომპეტენტური ჟიურის გადაწყვეტილებით, გამარჯვებულად 17 ანსამბლი გამოვლინდა, რომლებიც საპრიზო ადგილებით დაჯილდოვდნენ.

ოლიმპიადაში გამარჯვებულ, ქედის მუნიციპალიტეტის სახელოვნებო სკოლასთან არსებულ ფოლკლორულ ანსამბლ "ჩანგს" დაუფინანსდება გასტროლი და ეროვნული სასცენო სამოსი. 

ქედის მუნიციპალიტეტის მერია ულოცავს ანსამბლ "ჩანგს" და მის ხელმძღვანელს უმაღლესი ჯილდოს - გრან-პრის მიღებას და წარმატებებს უსურვებს!" - აღნიშნულია მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი