სამართალდამცველებმა წუხელ თბილისში, ჭავჭავაძის გამზირზე ადმინისტრაციული წესით 11 ადამიანი დააკავეს. ამის შესახებ "ექსპრესნიუსს" შინაგან საქმეთა სამინისტროში განუცხადეს.

უწყების ცნობით, დაკავებულთაგან 5 პირი ხელწერილის საფუძველზე გათავისუფლდა. 

აღსანიშნავია, რომ მოქალაქეები მას შემდეგ დააკავეს, რაც სამოქალაქო აქტივისტები სამხედრო ბლოგერ უჩა აბაშიძის დაკავების გასაპროტესტებლად თავდაპირველად მის საცხოვრებელ სახლთან, შემდეგ კი, ჭავჭავაძის გამზირზე შეიკრიბნენ.

შეგახსენებთ, გუშინ, 9 მაისს სამხედრო ბლოგერი უჩა აბაშიძე რამდენიმესაათიანი ჩხრეკის შემდეგ დააკავეს.

აბაშიძე დაკავებულია სისხლის სამართლის კოდექსის 236-ე მუხლით გათვალისწინებული დანაშაულისთვის, რაც ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვას გულისხმობს.

ავტორი: ექსპრესნიუსი,

სოციალური ქსელები

პოლიციამ თბილისში ჯგუფურად, ძალადობით ჩადენილი ძარცვის ბრალდებით 5 პირი დააკავა

სამოქალაქო საზოგადოება: ოცნების კამპანია ქვეყნის სახელმწიფოებრიობას აზიანებს, საჯარო სივრცეში ტერმინ „რუსოფობიის“ ხელოვნურად დამკვიდრების ცდილობს

რუსეთში წიწიბურას ფასები კვლავ გაიზარდა

ირანზე გამარჯვება ხელიდან ეცლება: ტრამპი სულ უფრო მეტად ემუქრება მოკავშირეებს - Washington Post