2024-04-12 14:21:15, 439 ნახვა
მსოფლიო
WSJ - მომდევნო 24-48 საათის განმავლობაში, ისრაელი ირანიდან თავდასხმისთვის ემზადება
ისრაელი ირანიდან პირდაპირი შეტევისთვის მომდევნო 24-48 საათის განმავლობაში ემზადება.
ამის შესახებ ინფორმაციას The Wall Street Journal-ი ამერიკის შეერთებული შტატების დაზვერვის წყაროზე დაყრდნობით ავრცელებს.
„ქვეყანა ემზადება სამხრეთ ან ჩრდილოეთ ისრაელზე შესაძლო დარტყმისთვის“, - განაცხადა წყარომ, რომელსაც Wall Street Journal-ი არ ასახელებს.
შეგახსენებთ, 1-ელ აპრილს, სირიის დედაქალაქ დამასკოში, ირანის საკონსულოზე თავდასხმის შედეგად, ირანის ისლამური რევოლუციის გუშაგთა კორპუსის (IRGC) 7 წევრი დაიღუპა, მათ შორის 2 გენერალი იყო. ამის შემდგომ, ირანმა პირობა დადო, რომ მომხადრის გამო შურს იძიებდა.
ავტორი: ექსპრესნიუსი,
epn.ge (@expressnews.ge)
