რუსეთში კვირას ღამეს 8 რეგიონი დაიბობმა, უკრაინული წყაროების ცნობით, ყველა გაშვებული საბრძოლო დრონი მიზანს მოხვდა. რუსეთის თავდაცვის სამინისტროს ცნობით, საჰაერო თავდაცვის სისტემამ მოსკოვის, ბელგოროდის, კალუგის, ორიოლის, როსტოვის, იაროსლავის, კრასნოდარის და კურსკის ოლქების ტერიტორიებზე გაანადგურა 35 საბრძოლო დრონი.

მოსკოვის მერის სერგეი სობიანინის თქმით, საჰაერო თავდაცვის ძალებმა ჩამოაგდეს ორი უპილოტო თვითმფრინავი დომოდედოვოში, ასევე თითო თითო რამენსკის და სტუპინსკის ურბანულ რაიონებში. მოეკოვის მერის ინფორმაციით მსხვერპლი არ ყოფილა;
კრასნოდარის ოლქში დაახლოებით დილის სამ საათზე დრონები თავს დაესხნენ ნავთობგადამამუშავებელ ქარხანას სლავიანსკ-კუბანში, რამაც ხანძარი გამოიწვია. ოპერატიული შტაბის ცნობით, თავდასხმის დროს ერთი ადამიანი დაიღუპა, წინასწარი სიკვდილის მიზეზი გულის შეტევა გახდა. ხანძრის შედეგად არავინ დაშავებულა;
ბელგოროდის რეგიონის გუბერნატორმა ვიაჩესლავ გლადკოვმა განაცხადა, რომ ოთხმა უპილოტო თვითმფრინავმა ასაფეთქებელი მოწყობილობა ჩამოაგდო ბელგოროდის ოლქის სოფელ ოქტიაბრსკში. აფეთქებებს მსხვერპლი არ მოჰყოლია, დაზიანდა ელექტროენერგია და გაზის მიწოდება;
როსტოვის რეგიონის გუბერნატორის ვასილი გოლუბევის თქმით, საჰაერო თავდაცვის ნაწილებმა წარმატებით მოიგერია დრონის ტიპის უპილოტო საფრენი აპარატის თავდასხმა ქალაქ კამენსკთან ახლოს. ადგილზე დგინდება შედეგები;
კალუგას რეგიონის საჰაერო თავდაცვის სისტემებმა ჩამოაგდეს სამი დრონის ტიპის თვითმფრინავი, რომლებიც ცდილობდნენ თავდასხმას კიროვის რეგიონში ინფრასტრუქტურულ ობიექტებზე, განაცხადა გუბერნატორმა ვლადისლავ შაფშამ. გარდა ამისა, მისი თქმით, კვირა დილით, კალუგას გარეუბანში, საჰაერო თავდაცვის ძალებმა გაანადგურეს კიდევ ერთი დრონი, მსხვერპლი და დაზიანება არ ყოფილა. ადგილზე საგანბეგო ჯგუფი მუშაობს;
იაროსლავის რეგიონის გუბერნატორმა მიხაილ ევრაევმა განაცხადა, რომ ოთხი საბრძოლო დრონი ჩამოაგდეს. მისივე თქმით, შემთხვევის ადგილზე ნგრევა და მსხვერპლი არ ყოფილა.
 

ავტორი: ექსპრესნიუსი,

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა