2024-02-05 15:40:28, 852 ნახვა
მსოფლიო
ყაზახეთის პრეზიდენტმა მთავრობის გადადგომის შესახებ განკარგულებას ხელი მოაწერა
ყაზახეთის პრეზიდენტმა, ყასიმ-ჟომართ თოყაევმა მთავრობის გადადგომის შესახებ განკარგულებას ხელი მოაწერა.
ამის შესახებ ინფორმაცია ყაზახეთის პრეზიდენტის ადმინისტრაციის ვებგვერდზე გამოქვეყნდა.
"ყაზახეთის რესპუბლიკის კონსტიტუციის 70-ე მუხლის შესაბამისად, ვბრძანებ:
- მიღებულ იქნას ყაზახეთის რესპუბლიკის მთავრობის გადადგომა;
- დროებით, პრემიერ-მინისტრის მოვალეობის შემსრულებელი გახდეს რომან სკლიარი;
- ყაზახეთის რესპუბლიკის მთავრობის წევრებმა, ახალი მთავრობის დამტკიცებამდე, გააგრძელონ საკუთარი მოვალეობების შესრულება;
- ხელის მოწერის დღიდან ბრძანება შევიდეს ძალაში",- ნათქვამია პრეზიდენტის განკარგულებაში.
ავტორი: ექსპრესნიუსი,
epn.ge (@expressnews.ge)
