სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომაზე კომისიის წევრებმა სტიქიის და ხანძრის შედეგად დაზარალებული 56 ოჯახის დახმარების საკითხი განიხილეს, მათ შორის 5 ხანძრის და 51 სტიქიის შედეგად დაზარალებული ოჯახის დახმარების საკითხი. ამის შესახებ ინფორმაციას აჭარის ჯანდაცვის სამინისტრო ავრცელებს.

უწყების ცნობით, კომისიის რეკომენდაციით და აჭარის მთავრობის თავმჯდომარის გადაწყვეტილებით, დაზარალებულ ოჯახებს საცხოვრებელი ფართების აღდგენა-გამაგრების, ან ადგილმონაცვლეობისთვის, აჭარის ავტონომიური რესპუბლიკის ბიუჯეტის სარეზერვო ფონდიდან ჯამში, 601 405 ლარი გამოეყოფათ.

სხდომას აჭარის ჯანმრთელობისა და სოციალური დაცვის მინისტრი ნინო ნიჟარაძე ხელმძღვანელობდა. 

„შერეული სამთავრობო კომისიის მორიგ სხდომაზე წარმოდგენილი იყო რეგიონის ექვსივე მუნიციპალიტეტიდან, ხანძრის და სტიქიის შედეგად დაზარალებული ოჯახების ფინანსური დახმარების საკითხი. კომისიის წევრებმა 56-ვე საკითხზე დადებითი რეკომენდაცია გასცეს.

რეკომენდაცია დასამტკიცებლად უახლოეს დღეებში  მთავრობის თავმჯდომარეს გადაეგზავნება “, - განაცხადა მინისტრის მოადგილე ედუარდ ნაკაშიძემ.

კომისიის გადაწყვეტილებით, დახმარება გაეწევა: ქალაქ ბათუმის მუნიციპალიტეტში მცხოვრებ 3 ოჯახს; ქობულეთის მუნიციპალიტეტში მცხოვრებ 17 ოჯახს; ხელვაჩაურის მუნიციპალიტეტში მცხოვრებ 15 ოჯახს; ქედის მუნიციპალიტეტში მცხოვრებ 13 ოჯახს; შუახევის მუნიციპალიტეტში მცხოვრებ 7 ოჯახს; ხულოს მუნიციპალიტეტში მცხოვრებ 1 ოჯახს.

გასულს წელს სტიქიისა და ხანძრის შედეგად დაზარალებული ოჯახების დასახმარებლად გამოიყო 4 676 395 ლარი, ფინანსური დახმარება გაეწია 520 ოჯახს.

ავტორი: NS (სტატია დაფინანსებულია),

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა