კოლორადოს უზენაესი სასამართლოს გადაწყვეტილება დიქტატურის დასაწყისია, - ამის შესახებ ამერიკის შეერთებული შტატების ყოფილმა პრეზიდენტმა, დონალდ ტრამპმა განაცხადა.

ტრამპის თქმით, სასამართლოს გადაწყვეტილებას დაუყოვნებლივ გაასაჩივრებს.

„სოროსის მიერ დაფინანსებული „დემოკრატები“ არიან ამ მანკიერი სარჩელის უკან და დაუყოვნებლივ გამოიყენებენ გადაწყვეტილებას დანარჩენ 49 შტატში. შტატის უზენაესი სასამართლოს მოსამართლეებმა, რომლებიც „დემოკრატებმა“ დანიშნეს, ახლახან ამოიღეს ჩემი სახელი 2024 წლის კენჭისყრიდან კოლორადოში. ჩვენ დაუყოვნებლივ გავასაჩივრებთ ამ გადაწყვეტილებას“, - განაცხადა ტრამპმა.

მისივე თქმით, მემარცხენე მოსამართლეებს არ მისცემს უფლებას, რომ „ამერიკელების უმრავლესობის ხმები მოიპარონ“.

„ჩვენ ამ ბრძოლას მივიტანთ აშშ-ის უზენაეს სასამართლოში.

ვიმედოვნებ, რომ ამერიკელები ყველგან გაიღვიძებენ იმის გამო, რაც ხდება ჩვენს ქვეყანაში. მმართველი პარტია ცდილობს, მოიპოვოს ტოტალური კონტროლი ამერიკაზე, არჩევნების გაყალბებით. წამყვანი ოპონენტი, რომელიც არის პოლიტიკური აუტსაიდერი, რომელიც მზად არის, დაიცვას შრომისმოყვარე ამერიკელების საჭიროებები და ინტერესები. ასე იბადება დიქტატურა. მე ვიყარე კენჭი პრეზიდენტობაზე, რათა ვიყო ამერიკელი ხალხის ხმა და დამცველი და ეს მოიცავს თქვენი ხმის უფლების დაცვას. მე არ მივცემ უფლებას მემარცხენე მოსამართლეებს, მოიპარონ ამერიკელების უმრავლესობის ხმები“, - დასძინა ტრამპმა.

შეგახსენებ, რომ ამერიკის შეერთებული შტატების კოლორადოს შტატის უზენაესმა სასამართლომ ყოფილ პრეზიდენტს, დონალდ ტრამპს შტატის 2024 წლის პრაიმერიზში მონაწილეობა აუკრძალა. 

ავტორი: ექსპრესნიუსი,

სოციალური ქსელები

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე

ფორმულას წინააღმდეგ სისხლის სამართლის გამოძიებაზე ევროსაბჭომ განგაშის სიგნალი ჩართო

კობახიძე: როცა საუბარია ქვეყნის მიღწევებზე, მინდა მადლობა გადავუხადო ბიძინა ივანიშვილს