2023-12-10 14:07:44, 861 ნახვა

---

პრეზიდენტი - ფიზიკური ანგარიშსწორების შედეგად ოკუპირებულ აფხაზეთში კიდევ ერთი მოქალაქე დაიღუპა - ადამიანის უფლებები უმოწყალოდ ილახება

ადგილობრივი მილიციის მხრიდან ფიზიკური ანგარიშსწორების შედეგად ოკუპირებულ აფხაზეთში საქართველოს კიდევ ერთი მოქალაქე დაიღუპა, ადამიანის უფლებები უმოწყალოდ ილახება ოკუპირებულ ტერიტორიებზე,- ამის შესახებ საქართველოს პრეზიდენტი სალომე ზურაბიშვილი X-ზე [ყოფილ Twitter-ზე] წერს.

ზურაბიშვილის თქმით, "მწუხარე 75-ე წლისთავია".

"ადგილობრივი მილიციის მხრიდან სასტიკი ფიზიკური ანგარიშსწორება, რის შედეგადაც ოკუპირებულ აფხაზეთში საქართველოს კიდევ ერთი მოქალაქე თემურ კარბაია დაიღუპა, არის ტრაგიკული შეხსენება იმისა, რომ ადამიანის ელემენტარული უფლებები უმოწყალოდ ილახება რუსეთის მიერ ოკუპირებულ ტერიტორიებზე. მწუხარე 75-ე წლისთავია",- წერს პრეზიდენტი სოციალურ ქსელში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი