გარდაცვლილი პრემიერ-მინისტრის ზურაბ ჟვანიას ძმის   გოგლა ჟვანიას განცხადებით, ამერიკის ფედერალური ბიუროს მიერ ჩატარებულ ყველა დასკვნას იცნობს. როგორც ჟვანიამ გადაცემა "არჩევანში" განაცხადა, წინა ხელისუფლება ამერიკელების დასკვნის შინაარსის გაყალბებას სცდილობდა.  გოგლა ჟვანიას თქმით, წინა ხელისფლებამ ზურაბ ჟვანიას გარდაცვალების ბინძური სცენა დადგა. კერძოდ, გოგლა  ჟვანის  განმარტებით, ზურაბ ჟვანია დიეტაზე იყო, ღამით საჭმელს არ ჭამდა. აქედან გამომდინარე, გარდაცვლილი პრემიერის ძმა დარწმუნებულია, რომ სასმელი, ძეხვი და სხვა პროდუქტები ბინაში  ზურაბ ჟვანიას დაღუპვის შემდეგ მიიტანეს.
"ამერიკელების დასკვნები ათეულობით ფურცელია, მე როგორ ვისაუბრო ამ დასკვნაზე.ამერიკის ფედერალური ბიუროს მიერ ჩატარებულ  ყველა დასკვნას ვიცნობ. მინდა გითხრათ, რომ  სერიოზული მცდელობები ჰქონდა ხელისუფლებას დასკვნების შინაარსის გაყალბების.მაგალითად,  თარგმანის გაყალბება.დანარჩენზე ჯერ არ ვისაუბრებ.როდესაც გამოძიება დასრულდება, ხელმისაწვდომი გახდება.რამდენიმე დღის წინ გამოძიებამ გამოაშკარავა მნიშვნელოვანი ნივთმტკიცებულება,  რომელსაც ახდენდა ხელისუფლება, როდესაც დადგეს ბინძური სცენა, ინსცენირება.მათ იქ მეტი დამაჯერებლობისთვის მიიტანეს სასმელი, ძეხვეული და ა.შ. სხვა პროდუქტები.მეტი დამაჯერებელი ყოფილიყო რაღაც ინტიმური შეხვედრისთვის.საკვები ვერ აღმოჩნდებოდა ორგანიზმში ეს ყველაფერი ტყუილია. ზურა დიეტაზე იყო.ამაზე შეუძლია მისმა დიეტოლოგმა ისაუბროს და ნასაუბრებიც აქვს.უკვე დადასტურებულია დოკუმენტურად, რომ ეს პროდუქტები იქ არის მიტანილი.ასე ხდებოდა ნივთმტკიცებების გაყალბება",-განაცხადა გოგლა ჟვანიამ.
რაც შეეხება სიგარეტის ღერს, რომელზეც ზურაბ ჟვანიას დნმ-ის კვალია აღმოჩენილი, გოგლა ჟვანიამ განაცხადა, რომ სიგარეტიც მიტანილია, ვინაიდან, მისივე მტკიცებით, ზურაბ ჟვანია დიდი რაოდენობით სიგარეტს ეწეოდა და 12 საათიდან ღამის 3 საათამდე მას არა ერთი, არამედ უამრავი სიგარეტი უნდა მოეწია.
"ზურა ეწეოდა ძალიან ბევრს.საუბარია, რომ იქ მივიდა დაახლოებით 12 საათზე, როგორც წინა ხელისუფლების დროინდელი  ექსპერტები საუბრობენ, გარდაიცვალა 3 საათზე. ანუ 12-დან 3 საათამდე უნდა ყოფილიყო იქ ცოცხალი.ამ ხნის განმავლობაში ზურას უნდა მოეწია უამრავი სიგარეტი, აღმოჩენილია მხოლოდ ერთი ღერი, რომელზეც არის მისი დნმ-ის კვალი, მარტივია ხომ, მიიტანო 1 ღერი სიგარეტი. თუნდაც დაცვის წევრს შეუძლია აიღოს კაბინეტიდან, ბევრი ადგილიდან, სადაც ის იმყოფებოდა და მიიტანოს ერთი ღერი.ასე ხდებოდა ინსცენირება. ამ ინსცენირებაში ბევრი შეცდომა დაუშვეს.ზუსტად ამ შეცდომებზე მუშაობს დღეს გამოძიება",-განაცხადა გოგლა ჟვანიამ.

ამასთან, გოგლა ჟვანიას განცხადებით, დადგმული იყო სცენა, თითქოს ზურაბ ჟვანიასა და რაულ უსუპოვს არატრადიციული  სექსუალური ორიენტაცია ჰქონდათ.

"ერთია, რომ მოკლეს ადამიანი, მეორეა, რომ ეს უბინძურესი ვერსია შეთითხნეს",-აღნიშნა გოგლა ჟვანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი