საგზაო მოძრაობის უსაფრთხოებასთან დაკავშირებით ადმინისტრაციულ სამართალდარღვევათა კოდექსში ცვლილების შეტანა იგეგმება. 

ცვლილების მიხედვით, ზამთრის პერიოდში, მთავრობის მიერ დადგენილ ზონებში დაწესდება მოთხოვნა, რომ სატრანსპორტო საშუალებას ოთხივე ბორბალი აღჭურვილი ჰქონდეს ზამთრის საბურავით.

იმ შემთხვევაში, თუ მძღოლი მოთხოვნას არ შეასრულებს, მას დაეკისრება ადმინისტრაციული სანქცია - ჯარიმა 100 ლარის ოდენობით. გარდა ამისა, მას მართვის მოწმობაზე 5 ქულა დააკლდება.

ადმინისტრაციულ სამართალდარღვევათა კოდექსში ცვლილება დღეს პარლამენტის იურიდიულ საკითხთა კომიტეტმა პირველი მოსმენით განიხილა.

მომხსენებლის, შინაგან საქმეთა მინისტრის მოადგილის, ალექსანდრე დარახველიძის განცხადებით, მოთხოვნა, რომ სატრანსპორტო საშუალებას ოთხივე ბორბალი აღჭურვილი ჰქონდეს ზამთრის საბურავით, მთავრობის მიერ დადგენილ ზონებში [უღელტეხილები, ასევე, მაღალმთიანი რეგიონები]  1-ელი დეკემბრიდან 1-ელ მარტამდე პერიოდს შეეხება.

მისი თქმით, საბურავების ტექნიკურ პარამეტრებს მთავრობა დაადგენს.

როგორც დარახველიძემ აღნიშნა, შინაგან საქმეთა მინისტრს ექნება უფლებამოსილება, განსაკუთრებულ შემთხვევაში, მეტეოროლოგიური პირობების გათვალისწინებით, ორ ბორბალზე მოცურების საწინააღმდეგო ჯაჭვების ქონის ვალდებულება დაადგინოს.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს