პრემიერ-მინისტრობის დროს, რომ არა ბატონი ტარიელი, ბატონი ღარიბაშვილი სოციალურად დაუცველთა ბაზაში მოხვდებოდა,- ამის შესახებ "გირჩის" ლიდერმა, იაგო ხვიჩიამ განაცხადა.

ხვიჩია აღნიშნული კომენტარით გამოეხმაურა სახელმწიფო დაცვის სპეციალური სამსახურის ხელმძღვანელის, ანზორ ჩუბინიძის განცხადებას, რომლის მიხედვითაც, საქართველოს პრემიერ-მინისტრ ირაკლი ღარიბაშვილის მიუნხენში გამგზავრებასთან დაკავშირებით ფულადი შენატანი ტარიელ ღარიბაშვილის მიერ განხორციელდა.

"მე მხოლოდ ის შემიძლია ვთქვა, რომ ბატონ ტარიელსა და ბატონ ირაკლი ღარიბაშვილს კარგი მამა-შვილობა აქვთ და ძალიან ზრუნავენ ერთმანეთზე. უფრო მეტიც, პრემიერ-მინისტრობის დროსაც, რომ არა ბატონი ტარიელი, ბატონი ღარიბაშვილი, მე მგონი, სოციალურად დაუცველთა ბაზაში მოხვდებოდა. აი, ეს ფრენაც ამის მანიშნებელია და ბარაქალა მათ მამა-შვილობას. მამა-შვილობას დოკუმენტები არ სჭირდება... ის პრემიერის მამაა, რომელიც ეხმარება თავის შვილს. ხელმოკლედ ცხოვრობს მიუხედავად იმისა, რომ პრემიერია... მე ვენდობი მამა-შვილობის სიწმინდეს",- თქვა ხვიჩიამ "ტვ პირველთან" საუბრისას.

ცნობისთვის, დღეს, 12 სექტმებერს, სახელმწიფო დაცვის სპეციალური სამსახურის ხელმძღვანელმა, ანზორ ჩუბინიძემ განაცხადა, რომ სახელმწიფო დაცვის სპეციალური სამსახურის საჯარო სამართლის იურიდიული პირის უზრუნველყოფის სააგენტოს ანგარიშზე გაკეთებულია შენატანი, რომელიც უზრუნველყოფს თბილისი-მიუნხენი-თბილისის რეისთან დაკავშირებულ ხარჯებს. მისივე თქმით, შენატანი გაკეთებულია ტარიელ ღარიბაშვილის მიერ და ეს თანხა შეადგენს 34 ათასი ევროს ექვივალენტს ლარში. 

ავტორი: ექსპრესნიუსი,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა