როდესაც კიევი იბომბებოდა, საქართველოს ელჩი და დიპლომატიური პერსონალი რჩებოდნენ ქალაქში უკრაინელი ხალხის გვერდით. როდესაც ბატონ გიორგი ზაქარაშვილს ვესაუბრებოდი, მქონდა რამდენიმეჯერ მასთან სატელეფონო საუბარი, აფეთქებების ხმაც კი ისმოდა. დაუშვებელი იყო, რომ ამ ადამიანისათვის, რომელიც ბოლომდე, მართლაც რომ საკუთარი სიცოცხლის რისკის ფასად ვაჟკაცურად იმყოფებოდა ქალაქში, მოეწოდებინა უკრაინის პრეზიდენტს, დაეტოვებინა კიევი და ჩამოსულიყო საქართველოში კონსულტაციების გასამართად,- ასე შეაფასა იუსტიციის მინისტრმა, რატი ბრეგაძემ უკრაინის პრეზიდენტის გადაწყვეტილება საქართველოს ელჩთან დაკავშირებით.

ბრეგაძის განცხადებით, სრულიად გაუგებარია, რა საკითხზე შეიძლება გაიმართოს კონსულტაციები უკრაინის ელჩთან საქართველოში მაშინ, როდესაც მსჯავრდებული სააკაშვილი დამოუკიდებელ, სუვერენულ სახელმწიფოში იხდის სასჯელს.

„სასამართლომ სააკაშვილის მხარის მოთხოვნა სასჯელის გადავადების ან სასჯელისაგან გათავისუფლების არ დააკმაყოფილა. ასევე, სტრასბურგის სასამართლომ არ დააკმაყოფილა მათი ერთადერთი მოთხოვნა, რაც გულისხმობდა სააკაშვილის სამკურნალოდ გაყვანას სამედიცინო მიზნებით. ეს ადამიანი სრულიად კანონიერად იმყოფება საპატიმროში და მისი უფლებები არ ირღვევა",- განაცხადა ბრეგაძემ.

ბრეგაძის თქმითვე, სამართლებრივ სახელმწიფოში პოლიტიკა სამართლის დადგენილ ჩარჩოებში ხორციელდება.

„ჩვენ ვმოქმედებთ სამართლის და არა პოლიტიკური შთაბეჭდილებების შესაბამისად. სამართალი და პოლიტიკა არის ერთმანეთთან ურთიერთკავშირში, მაგრამ სამართლებრივ სახელმწიფოში პოლიტიკა უნდა განხორციელდეს სამართლის დადგენილ ჩარჩოებში",- დასძინა ბრეგაძემ.

ავტორი: NS (სტატია დაფინანსებულია),

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის