Financial Times-ი სამ წყაროზე დაყრდნობით წერს, რომ უკრაინაში რუსეთის ფედერაციის სამხედრო ოპერაციების მეთაურის მოადგილე გენერალი სერგეი სუროვიკინი დაკავებულია. 

FT-ის ცნობით, უცნობია, სუროვიკინს ბრალად ედება კერძო სამხედრო დაჯგუფება "ვაგნერის" ხელმძღვანელის, ევგენი პრიგოჟინის აჯანყებაში მონაწლეობა თუ დაკითხვის მიზნითაა დაკავებული.

სუროვიკინის დაკავების შესახებ ინფორმაცია რუსეთის თავდაცვის სამინისტროსთან დაახლოებულ ორ წყაროზე დაყრდნობით The Moscow Times-მაც გაავრცელა.

გარდა ამისა, უკრაინული მედია იტყობინება, რომ გენერლის დაკავების შესახებ თავდაპირველად ბლოგერმა, ვოლოდიმირ რომანოვმა Telegram-ზე დაწერა. 

"რომანოვის განცხადებით, სუროვიკინი 25 ივნისს, პრიგოჟინის აჯანყების შემდეგ დააკავეს. ბლოგერის მტკიცებით, რუსი გენერალი "ლეფორტოვოს" წინასწარი დაკავების იზოლატორში იმყოფება",- წერს უკრაინული მედია.

ცნობისთვის, მანამდე The New York Times-მა ამერიკელ ოფიციალურ პირებზე დაყრდნობით გაავრცელა ინფორმაცია, რომ კერძო სამხედრო დაჯგუფება "ვაგნერის" ხელმძღვანელის, ევგენი პრიგოჟინის აჯანყების შესახებ უკრაინაში რუსეთის ფედერაციის სამხედრო ოპერაციების მეთაურის მოადგილემ, გენერალმა სერგეი სუროვიკინმა წინასწარ იცოდა. 

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა