ევროპულ და ევროატლანტიკურ სტრუქუტურებში ინტეგრაციის საკითხებში სახელმწიფო მინისტრმა დავით ბაქრაძემ საქართველოს მთავრობის კომუნიკაციის სტრატეგიის ფარგლებში კასპში შეხვედრები გამართა.

სახელმწიფო მინისტრის აპარატის ინფორმაციით, გამგეობის შენობაში ადგილობრივი მუნიციპალიტეტისა და საკრებულოს თანამშრომლებთან, მოსახლეობასა და ფერმერებთან გამართულ შეხვედრაზე სახელმწიფო მინისტრმა საქართველოსა და ევროკავშირს შორის ასოცირების შესახებ შეთანხმების ხელმოწერის მნიშვნელობაზე,  ევროპული და ევროატლანტიკური ინტეგრაციის  პროცესის მიმდინარეობაზე, ევროკავშირთან თავისუფალი ვაჭრობის შედეგად მიღებულ ეკონომიკურ სარგებელსა  და სოფლის მეურნეობის რეფორმის განხორციელებაში ევროკავშირის დახმარების მნიშვნელობაზე ისაუბრა. 

“მნიშვნელოვანია ჩვენ განვმარტოთ, თუ რა სარგებელი შეიძლება მიიღოს თითოეულმა მოქალაქემ, ფერმერმა, მცირე, საშუალო ბიზნესმენმა, იმ პროცესისგან, რაც გულისხმობს ასოცირებისა და მისივე შემადგენელი თავისუფალი სავაჭრო სივრცის შესახებ შეთანხმებების განხორციელების მიზნით ჩვენს მიერ დაგეგმილ და მიმდინარე რეფორმებს. ამ შემთხვევაში ჩვენ შეხვედრაში მონაწილეობდნენ ევროკავშირის მისიის პროექტის  წარმომადგენლები, რომლებიც მუშაობენ კოოპერირების კუთხით და ასევე, აქვთ ძალიან კონკრეტული პროექტები ფერმერებისთვის. ასე რომ, მნიშვნელოვანია ყველა ამ პროექტზე ამომწურავად მოვაწოდოთ მოსახლეობას ინფორმაცია. ჩვენთვის, ასევე, მნიშვნელოვანია მათი ინტერესი, რომლის ანალიზის შემდეგ ადექვატური იქნება ჩვენი  დახმარების პროექტები და ჩვენი რეაგირება", - აღნიშნა სახელმწიფო მინისტრმა შეხვედრის დასრულების შემდეგ.

კასპში სტუმრობისას დავით ბაქრაძემ კასპის  N3 საჯარო სკოლაში ნატოსა და ევროკავშირის შესახებ ახლადგახსნილი საინფორმაციო კუთხე დაათვალიერა და სკოლის მასწავლებლებსა და მოსწავლეებსაც შეხვდა. 

სახელმწიფო მინისტრმა საქართველოს ნატოსა და ევროკავშირში ინტეგრაციის პერსპექტივებზე ისაუბრა  და ხაზი გაუსვა  ევროკავშირსა და ნატო-ში ინტეგრაციის პროცესის შესახებ საქართველოს რეგიონებში მცხოვრები მოსახლეობის ინფორმირებულობის ამაღლების მნიშვნელობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი