ჩინეთის ქალაქ ინჩუანში, ნინგსიას რაიონის ერთ-ერთ რესტორანში აფეთქების შედეგად, სულ მცირე, 31 ადამიანი დაიღუპა და 7 დაშავდა. აღნიშნულ ინფორმაციას CNN ჩინურ მედიაზე დაყრდნობით ავრცელებს.

ჩინეთის სახელმწიფო მაუწყებლის CCTV-ს ცნობით, აფეთქება რესტორანში თხევადი აირის ავზის გაჟონვის შედეგად, ადგილობრივი დროით, დაახლოებით, 20:40 საათზე მოხდა.

მედიის ინფორმაციით, დაშავებულთაგან ერთი ამ დრომდე მძიმე მდგომარეობაშია, დანარჩენი 6 კი, მსუბუქი დაზიანებებით საავადმყოფოში მკურნალობს.

ადგილობრივმა სახანძრო სამსახურმა შემთხვევის ადგილზე 20 მანქანა და 100-ზე მეტი პერსონალი გაგზავნა, სამძებრო-სამაშველო სამუშაოები კი, 04:00 საათამდე გაგრძელდა. 

მომხდარის გამო, ჩინეთის სახალხო რესპუბლიკის ლიდერმა, სი ძინპინმა მწუხარება გამოთქვა და ტრაგედიის მიზეზის დადგენის აუცილებლობას გაუსვა ხაზი.

ავტორი: ექსპრესნიუსი,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს