2023-06-15 17:42:01, 1401 ნახვა
ომი უკრაინაში
შოლცი - რუსეთის პრეზიდენტს აშკარად სურს, ზოგიერთი მეზობელი ტერიტორია გადაყლაპოს
გერმანიის კანცლერი ოლაფ შოლცი დარწმუნებულია, რომ რუსეთის პრეზიდენტი ვლადიმერ პუტინი არ შეჩერდება უკრაინაზე და მის გეგმებში მეზობელი ტერიტორიების ხელში ჩაგდებაც შედის. როგორც "დოიჩე ველე" იტყობინება შოლცმა აღნიშნულ საკითხთან დაკავშირებით მთავრობის პრესკონფერენციაზე ისაუბრა.
გერმანიის კანცლერის თქმით, ომის დასრულების შემდეგ, უკრაინის უსაფრთხოების კონკრეტულ გარანტიებზე საუბარი აუცილებელია.
"რუსეთის პრეზიდენტს აშკარად სურს გადაყლაპოს ზოგიერთი მეზობელი ტერიტორია. მას აქვს ასეთი გეგმა უკრაინასთან მიმართებთ და სავსებით ნათელია, რომ მას აქვს ასეთივე გეგმა ბელარუსთან მიმართებითაც",- თქვა კანცლერმა.
შოლცმა უკრაინის მხარდაჭერის აუცილებლობაზეც ისაუბრა და აღნიშნა, რომ მხარდაჭერა უნდა გაგრძელდეს "მანამ, სანამ საჭიროა".
ავტორი: ექსპრესნიუსი,
epn.ge (@expressnews.ge)
