"ადამიანური რესურსების შესაძლებლობების გაძლიერება და შესრულების მართვა“ - საერთაშორისო სემინარის გახსნას აჭარის ჯანმრთელობისა და სოციალური დაცვის მინისტრი, ნინო ნიჟარაძე პირველ მოადგილესთან, მარი ზანაქიძესთან ერთად დაესწრო.

აჭარის ჯანდაცვის სამინისტროს ცნობით, შეხვედრას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე, თამარ გაბუნია დისტანციურად ჩაერთო და მონაწილეებს სიტყვით მიმართა. 

სემინარში მონაწილეობას ღებულობს Linked-ის ექვსი წევრი ქვეყნის - საქართველოს, სომხეთის, აზერბაიჯანის, უკრაინის, მოლდოვას და უზბეკეთის წარმომადგენლები, ასევე პარტნიორები გავიდან და საერთაშორისო ექსპერტები.

"მოხარული ვარ, რომ  იმუნიზაციის შედეგების გაუმჯობესებისათვის მიძღვნილ შეხვედრას ბათუმი მასპინძლობს. სემინარის ფარგლებში, 6 სხვადასხვა ქვეყნის წამრომადგენელი ერთმანეთს გაუზიარებს საკუთარ გამოცდილებას, ცოდნას და პრაქტიკულ შემთხვევებს. ჩვენთვის მნიშვნელოვანია ყველა სახის ინფორმაცია, რომელიც მოახდენს სამედიცინო პერსონალის ყოველდღიური საქმიანობის გაუმჯობესებას ვაქცინაციის მაჩვენებლის კიდევ უფრო გაზრდისათვის", - განაცხადა სიტყვით გამოსვლისას მინისტრმა, ნინო ნიჟარაძემ.  

სემინარი Linked Immunisation Action Network-ის მიერ არის ორგანიზებული და მას Results For Development (აშშ), საერთაშორისო ფონდი კურაციო და Institute for Health Policy (შრი-ლანკა) ახორციელებს.

მონაწილეები ორი დღის განმავლობაში გაუზიარებენ ერთმანეთს ცოდნას და გამოცდილებას, განხილული იქნება მენეჯერების როლი სხვადასხვა დონეზე ისეთი გარემოს შექმნაში, სადაც ჯანდაცვის მუშაკებს აქვთ მოტივაცია მუდმივად გააუმჯობესონ ცოდნა და უნარები პრაქტიკაში იმუნიზაციის შედეგების გასაუმჯობესებლად.

სემინარის ამოცანას წარმოადგენს:

• • განხილულ იქნას როგორია იმუნიზაციის ფორმალური სწავლება განათლების სხვადასხვა დონეზე: პრედიპლომური, პოსტიპლომური და უწყვეტი განათლება;
• • განისაზღვროს სტრატეგიები, საუკეთესო პრაქტიკა, მენეჯმენტის სხვადასხვა დონის როლები (დაწესებულება, სუბნაციონალური ან ეროვნული დონე);
• • ტრენინგების ან ზედამხედველობის შედეგად მიღებული იმუნიზაციის ცოდნის პრაქტიკაში გამოყენება და ჯანდაცვის მუშაკებისთვის მუდმივი სწავლის ხელშემწყობი გარემოს შექმნა.
• სემინარის ბოლოს, ქვეყნების გუნდები გამოავლენენ ერთ ან მეტ პრაქტიკას ადამიანურ რესურსებთან დაკავშირებული შესაბამისი გამოწვევების გადასაჭრელად, შემდგომი დახვეწის, ადაპტაციისა და განხორციელებისთვის. გაიმართება ასევე ვებინარებიც.

ავტორი: NS (სტატია დაფინანსებულია),

სოციალური ქსელები

მოსკოვში ავტომობილის აფეთქების შედეგად მოკლული გენერალი დამირ დავიდოვია, რომელიც სარაკეტო და არტილერიის დირექტორატის ხელმძღვანელობდა

თალიბანის პოლიციამ ცეცხლი გაუხსნა „ჰიჯაბის არასათანადო “ ტარების გამო ქალების დაპატიმრების წინააღმდეგ გამართული საპროტესტო აქციას

Axios-ის ცნობით, ირანმა თავს დაესხა აშშ-ის ბაზებს ბაჰრეინში, ქუვეითსა და იორდანიაში.

აშშმ ირანი დაბომბა, თიერანმა ბაზების დაბომბვით უპასუხა