2023-05-25 12:57:44, 1403 ნახვა
ომი უკრაინაში
პოდოლიაკი - უკრაინის კონტრშეტევა უკვე რამდენიმე დღეა დაიწყო
უკრაინის პრეზიდენტის აპარატის უფროსის მრჩეველმა, მიხაილო პოდოლიაკმა განაცხადა, რომ უკრაინამ კონტრშეტევა უკვე რამდენიმე დღეა დაიწყო.
როგორც პოდოლიაკმა იტალიურ ტელეარხ Rai-სთან ინტერვიუში აღნიშნა, უკრაინას შორი მანძილის Storm Shadow რაკეტები, "ლეოპარდის" ტანკები, ასევე საფრანგეთისა და იტალიის მიერ მოწოდებული ანტისარაკეტო სისტემები უკვე აქვს.
"კონტრშეტევა რამდენიმე დღეა გრძელდება. ეს არის ინტენსიური ომი საზღვრის 1 500 კილომეტრზე, მაგრამ მოქმედება უკვე დაწყებულია. ჩვენ არ გვინდა რუსეთის ტერიტორიაზე დარტყმა, ჩვენ გამოვიყენებთ იმ იარაღს, რომელიც თქვენ მოგვეცით, რათა გავანადგუროთ რუსული პოზიციები მოსკოვის მიერ ოკუპირებულ ტერიტორიებზე, მათ შორის დონბასსა და ყირიმში",- განაცხადა პოდოლიაკმა.
ავტორი: ექსპრესნიუსი,
epn.ge (@expressnews.ge)
