უკრაინის დაგეგმილი საგაზაფხულო კონტრშეტევის წინ, კრემლი აგრძელებს ბირთვულ შანტაჟს, რათა უკრაინაში დასავლეთის სამხედრო დახმარება შეაჩეროს. აღნიშნულ ინფორმაციას ომის შემსწავლელი ინსტიტუტი (ISW) ავრცელებს.

როგორც ISW-ის მოხსენებაშია ნათქვამი, რუსეთის თავდაცვის მინისტრმა, სერგეი შოიგუმ ბელარუსში ტაქტიკური ბირთვული იარაღის განლაგების შესახებ რუსეთის ფედერაციის გადაწყვეტილების გამართლება რამდენიმე არგუმენტით სცადა - თავდაცვის უწყების ხელმძღვანელმა ნატო რუსეთისა და ბელარუსის საზღვრებთან საბრძოლო მომზადებაში, დასავლეთი კი, უკრაინაში ომის ესკალაციაში დაადანაშაულა.

ექსპერტების შეფასებით, შოიგუმ გააძლიერა არსებული რუსული ბირთვული საფრთხეები იმით, რომ ბელარუსიას აქვს ატომური თავდასხმის თვითმფრინავი და ისკანდერ-M სისტემები, რომელსაც შეუძლია ბირთვული დარტყმის განხორციელება. 

ანალიტიკოსები მიიჩნევენ, რომ შოიგუს გააქტიურებული ბირთვული შანტაჟის რიტორიკა ნატო-ში ფინეთის გაწევრიანებასა და უკრაინისთვის აშშ-ის ახალ დახმარებასაც ემთხვევა.

როგორც ISW-ის ანგარიშშია აღნიშნული, მიუხედავად ყველაფრისა, ბირთვული ესკალაციის რისკი  უკიდურესად დაბალი რჩება.

ავტორი: ექსპრესნიუსი,

სოციალური ქსელები

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია

ხოშტარია: ჯერ მკურნალ ექიმთან არ ყოფილა შეხვედრა, მაგრამ დამპირდნენ, რომ იქნება

სააკაშვილი: ნანუკა ჟორჟოლიანი ჩემი თხოვნით უკვე ხვდება პარტიულ ორგანიზაციებს, თიკა ბოკუჩავაც რჩება პარტიაში

უკრაინის იერიშის გამო მოსკოვის ყველა აეროპორტმა მუშაობა შეწყვიტა