ჩვენ უნდა შევინარჩუნოთ და გავაძლიეროთ მხარდაჭერა უკრაინის მიმართ. უნდა მივცეთ უკრაინას ის, რაც სჭირდება გამარჯვებისთვის, - ამის შესახებ ნატოს გენერალურმა მდივანმა, იენს სტოლტენბერგმა  "ბუქარესტის ცხრიანის" ლიდერების შეხვედრაზე განაცხადა.

მისივე თქმით, NATO ვერ დაუშვებს, რომ რუსეთმა ევროპული უსაფრთხოების ძირის თხრა გააგრძელოს და სწორედ NATO-ს ერთიანობით და მოკავშირეების მხარდაჭერით ტერიტორიის ყოველი სანტიმეტრი დაცული იქნება.

"ჩვენ უნდა შევინარჩუნოთ და გავაძლიეროთ მხარდაჭერა უკრაინის მიმართ. უნდა მივცეთ უკრაინას ის, რაც სჭირდება გამარჯვებისთვის. არ ვიცით, როდის დასრულდება ომი, მაგრამ როდესაც ეს მოხდება, უნდა უზრუნველვყოთ, რომ ისტორია აღარ განმეორდეს. ჩვენ რუსული აგრესიის მოდელი მრავალი წლის განმავლობაში ვნახეთ. 2008 წელს საქართველოში, 2014-ში ყირიმსა და დონბასში, შარშან კი სრულმასშტაბიანი შეჭრა ვიხილეთ უკრაინაში. ვერ დავუშვებთ, რომ რუსეთმა გააგრძელოს ევროპული უსაფრთხოებისთვის ძირის გამოთხრა. ნატო-ს მოკავშირეები არასდროს ყოფილან უფრო მეტად ერთიანები. ჩვენ მოკავშირეების ტერიტორიის ყოველ სანტიმეტრს დავიცავთ", - განაცხადა სტოლტენბერგმა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა