ომის წაგების შემთხვევაში, რუსეთს დაშლიან და არსებობას შეწყვეტს,- ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა.

მედვედევის თქმით, თუ აშშ შეწყვეტს იარაღის მიწოდებას კიევისთვის, ომი დასრულდება.

„ყველა გონივრული ძალისთვის აშკარაა, რომ თუ აშშ-ს სურს რუსეთის დამარცხება, მაშინ ჩვენ მსოფლიო კონფლიქტის ზღვარზე ვართ. თუ აშშ-ს სურს რუსეთის დამარცხება, მაშინ ჩვენ გვაქვს უფლება, დავიცვათ თავი ნებისმიერი იარაღით, მათ შორის ბირთვული იარაღით. თუ რუსეთი შეაჩერებს სპეციალურ სამხედრო ოპერაციას, ვერ მიაღწევს გამარჯვებას, რუსეთი აღარ იქნება, მას ნაწილებად დაშლიან. თუ აშშ შეწყვეტს იარაღის მიწოდებას კიევის რეჟიმისთვის, ომი დასრულდება“, წერს მედვედევი.

მისივე თქმით, ბაიდენმა გუშინ, რუს ხალხს მიმართა პოლონელების წინაშე. სინამდვილეში, მან ქადაგება წარმოთქვა ამერიკის ტრადიციული მესიანური გასაღებით, რომელიც მორგებულია ხანდაზმულ სიგიჟეზე.

„მან თქვა, თუ რამდენად მნიშვნელოვანია დემოკრატიის დაცვა და რომ აშშ არ აპირებს რუსეთზე თავდასხმას. ეს განცხადება სასაცილოდ გამოიყურებოდა. ვინ არის ეს უცნაური ბაბუა, რომელიც მაუწყებლობს დაბნეული მზერით პოლონეთიდან? რატომ მიმართავს სხვა ქვეყნის მოსახლეობას იმ დროს, როცა საშინაო პრობლემებით არის სავსე? რატომ უნდა მოვუსმინოთ პოლიტიკოსს მტრულად განწყობილი სახელმწიფოდან, რომელიც სიძულვილს ამჟღავნებს ჩვენი სამშობლოს მიმართ? რატომ უნდა ენდონ რუსეთის მოქალაქეები შეერთებული შტატების ლიდერს, რომელმაც 20-21 საუკუნეებში ყველაზე მეტი ომი გააჩაღა, მაგრამ აგრესიაში ჩვენ გვსაყვედურობს? ადამიანი, რომელიც მთელ თავის დასუსტებულ ინტელექტუალურ შესაძლებლობებს მიმართავს მხოლოდ იმისთვის, რომ რუსეთმა განიცადოს „სტრატეგიული მარცხი“.

ახლა კი ბაიდენის გამოთქმის პერიფრაზს გავაკეთებ. ბაიდენმა ვარშავაში თქვა: „თუ რუსეთი უკრაინაში შეჭრას შეწყვეტს, ომი ახლაცე დასრულდება, ხოლო თუ უკრაინელები შეწყვეტენ თავის დაცვას, ეს იქნება უკრაინის დასასრული. ეს არის დახვეწილი ტყუილი. სიმართლე კი სულ სხვაა.

თუ რუსეთი შეწყვეტს სპეციალურ სამხედრო ოპერაციას გამარჯვების მიღწევის გარეშე, ის არ იარსებებს, ის ნაწილებად დაიშლება. თუ აშშ შეწყვეტს იარაღის მიწოდებას კიევის რეჟიმისთვის, ომი დასრულდება",- დასძინა მედვედევმა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა