ომი 1991 წლის საზღვრებზე ტრიბუნალით, რეპარაციებითა და სამუდამო პატიმრობით დასრულდება,- ამის შესახებ უკრაინის პრეზიდენტის ადმინისტრაციის მრჩეველი, მიხაილო პოდოლიაკი Twitter-ზე წერს.

პოდოლიაკის თქმით, რუსეთის ფედერაციას 2014 წლის სცენარის გამეორების იმედი არ უნდა ჰქონდეს.

"კიდევ ერთხელ ოფიციალურ პოზიციაზე:

1. რუსეთის ფედერაციას 2014 წლის სცენარის გამეორების იმედი არ უნდა ჰქონდეს: "ჩვენ მოგკლავთ, თქვენ გადაგვიხდით თქვენი მიწებით, ჩვენ ვისვენებთ, შემდეგ ისევ მოვდივართ თქვენს მოსაკლავად".
2. ომი 1991 წლის საზღვრებზე ტრიბუნალით, რეპარაციებითა და სამუდამო პატიმრობით დასრულდება",- წერს პოდოლიაკი.

შეგახსენებთ, რუსეთის დაქირავებული ჯგუფის "ვაგნერის" ხელმძღვანელმა, ევგენი პრიგოჟინმა გაავრცელა ინფორმაცია, რომლის მიხედვითაც, მისმა ძალებმა სოლედარის აღება დაასრულეს.

ქალაქის აღების შესახებ ინფორმაციას უარყოფს უკრაინის პრეზიდენტი ვოლოდიმირ ზელენსკი. სახელმწიფოს მეთაურის თქმით, "დონეცკის მიმართულება დგას და ბრძოლა გრძელდება". 

სოლედარის შესახებ ცნობებს ავრცელებს CNN-იც, რომლის გადამღები ჯგუფიც ქალაქთან ახლოს იმყოფება. როგორც ჟურნალისტები ამბობენ, უკრაინა სოლედარში მძიმე ბრძოლებს აგრძელებს, უკან დახევის ნიშნები არ არის.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია