გეოპოლიტიკურ ოპონენტებს სურთ რუსეთის დაშლა უკრაინის კრიზისის გზით, ხოლო მოსკოვის მიზანია რუსი ხალხის გაერთიანება, - ამის შესახებ რუსეთის პრეზიდენტმა ვლადიმერ პუტინმა ადგილობრივ მედიასთან საუბრისას განაცხადა.

"დაყავი და იბატონე" - ისინი ამას ყოველთვის ცდილობდნენ, ახლაც ცდილობენ, მაგრამ ჩვენი მიზანი სხვაა - რუსი ხალხის გაერთიანება", - ამბობ პუტინი. 

კითხვაზე რა მოუტანა რუსეთს გასულმა წელმა და ახლოვდება თუ არა გარკვეული „საშიში ხაზი“, პუტინმა აღნიშნა, რომ დარწმუნებულია არჩეული გზის სისწორეში.

„არ მგონია, რომ ეს ასე სახიფათო იყოს, ვფიქრობ, რომ ჩვენ ვმოქმედებთ სწორი მიმართულებით, ვიცავთ ჩვენს ეროვნულ ინტერესებს, ჩვენი მოქალაქეების, ჩვენი ხალხის ინტერესებს და უბრალოდ სხვა გზა არ გვაქვს გარდა იმისა, რომ დავიცვათ ჩვენი მოქალაქეები, მაგრამ ჩვენ მზად ვართ ამ პროცესის ყველა მონაწილესთან ვისაუბროთ რაღაც მისაღებ შედეგებზე, მაგრამ ეს მათი საქმეა - მოლაპარაკებებზე უარს არ ვამბობთ ჩვენ, არამედ ისინი“, - განაცხადა პუტინმა.

მისი თქმით, რუსეთი ყოველთვის ცდილობდა ყველა დავის მოგვარებას მშვიდობიანი გზით, მოლაპარაკებების გზით.

„მაგრამ, სამწუხაროდ, მეორე მხარე სხვაგვარად იყო განწყობილი, დაიწყეს, როგორც არაერთხელ მითქვამს, ეს ყველამ ვიცით, მკაცრი სამხედრო მოქმედებების განხორციელება. ასეა თუ ისე, იძულებული გავხდით ავმდგარიყავით და ხალხისთვის, ვინც ამ ტერიტორიებზე ცხოვრობს,  დაგვეჭირა მხარი. ყველაფერი ამით დაიწყო, ყველაფერი ამით დაიწყო!" თქვა პუტინმა.

როგორც რუსეთის პრეზიდენტმა დასძინა, რუსეთი უკრაინის კრიზისში „ვერ მოიქცეოდა ისე ცინიკურად, როგორც დასავლეთი“.

“ჩვენ არ შეგვეძლო! ჩვენ გვაქვს სხვა ფილოსოფია, განსხვავებული დამოკიდებულება ცხოვრებისა და ადამიანების მიმართ. ახლა, თუ გადავხედავთ იმ ადამიანებს, რომლებიც ღრმად იყვნენ ჩაძირული აღმოსავლური ქრისტიანობის, დასავლური ქრისტიანობის, ისლამის მორალურ ღირებულებებში, ისინი ყოველთვის იტყვიან, რომ ჩვენ გვაქვს განსხვავებული მიდგომები, ზოგადად, უფრო მატერიალური მიდგომაა და ცხოვრებაში წარმატების განსაზღვრა მატერიალურ ნაწილში”,-აღნიშნა მან.

სახელმწიფოს მეთაურმა აღნიშნა, რომ დარწმუნებულია, რომ „რუსების 99,9 პროცენტი მზად არის ყველაფერი თავისი სამშობლოს ინტერესებში ჩააყენოს“ და ეს არწმუნებს მას, რომ „რუსეთი განსაკუთრებული ქვეყანაა და აქ განსაკუთრებული ხალხი ცხოვრობს“.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია