ხერსონში კიდევ ერთი მასობრივი საფლავი აღმოაჩინეს,- აღნიშნულის შესახებ უკრაინის პრემიერ-მინისტრი, ალექსეი რეზნიკოვი Twitter-ზე წერს.

რეზნიკოსვის თქმით, 30 ნოემბერს სოფელ პრავდინოში რუსული ოკუპაციის მსხვერპლთა მასობრივი საფლავები აღმოაჩინეს, სადაც 7 მშვიდობიანი მოქალაქის ცხედარი იყო, მათ შორის მოზარდი გოგონა.

„30 ნოემბერს სოფელ პრავდინოში (ხერსონის ოლქი) აღმოაჩინეს რუსული ოკუპაციის მსხვერპლთა მასობრივი საფლავები, 7 მშვიდობიანი მოქალაქე, მათ შორის მოზარდი გოგონა. რუსებმა უგულებელყვეს ჟენევის მე-4 კონვენცია, რომელიც კრძალავს ძალადობას მშვიდობიანი მოსახლეობის წინააღმდეგ. ისინი უბრალოდ კლავენ“,- წერს რეზნიკოვი.

მისივე თქმით, მხოლოდ დეოკუპირებულ ხარკოვის რეგიონში 500-ზე მეტი მშვიდობიანი მოქალაქის მათ შორის ბავშვების ცხედრები აღმოაჩინეს. სამძებრო სამუშაოები ჯერ კიდევ გრძელდება.

შეგახსენებთ, რომ 17 ნოემბრის მდგომარეობით, ხერსონის რაიონში სამართალდამცავებმა 63 ნაწამები ადამიანის ცხედარი აღმოაჩინეს.

ასევე, როგორც ცნობილია, 29 ნოემბერს, G7-ის იუსტიციის მინისტრებმა მიიღეს დეკლარაცია უკრაინაში რუსეთის სამხედრო დანაშაულების გამოძიების შესახებ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია