ევროკავშირი რუსეთის წინააღმდეგ სანქციების მეცხრე პაკეტზე შეთანხმდა,- აღნიშნულის შესახებ ევროკომისიის პრეზიდენტი ურსულა ფონ დერ ლაიენი Twitter-ზე წერს.

მისი თქმით, ახალი პაკეტი ითვალისწინებს სანქციებს თითქმის 200 ადამიანისა და ორგანიზაციის წინააღმდეგ, რომლებიც მონაწილეობენ მშვიდობიანი მოსახლეობის თავდასხმაში და ბავშვების გატაცებაში.

„სანქიცები ფოკუსირებულია ტექნოლოგიაზე, ფინანსებსა და მედიაზე, რათა კიდევ უფრო შეარყიოს რუსული ეკონომიკა და „სამხედრო მანქანა“. ახალი პაკეტი ითვალისწინებს სანქციებს თითქმის 200 ადამიანისა და ორგანიზაციის წინააღმდეგ, რომლებიც მონაწილეობენ მშვიდობიანი მოსახლეობის თავდასხმაში და ბავშვების გატაცებაში",- წერს ლაიენი.

ამასთან, როგორც ევროკომისიის ვიცე-პრეზიდენტმა, ვალდის დომბროვსკისმა განაცხადა, სანქციების სიაში შეტანილია სამხედრო-სამრეწველო კომპლექსთან დაკავშირებული 168 რუსული კომპანია.

ევროკავშირმა ასევე გააფართოვა საინვესტიციო აკრძალვები რუსეთის ფედერაციის ენერგეტიკისა და სამთო სექტორების მიმართ, ასევე რეკლამა, ბაზრის კვლევა და საზოგადოებრივი აზრის გამოკითხვა რუსული ბიზნესისთვის.

სანქციები ასევე ვრცელდება ორმაგი დანიშნულების ტექნოლოგიის ექსპორტზე, რაც ართულებს იარაღის წარმოებას ან შეკეთებას. ეს ეხება:

• ქიმიკატები;
• IT აღჭურვილობა;
• დრონები/დრონის ძრავები;
• ელექტრონიკა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია