2022-11-23 13:49:53, 1643 ნახვა
ომი უკრაინაში
ზახაროვა - კიევ-პეჩორის ლავრის ჩხრეკა კიევის რეჟიმის უზნეობის ახალი გამოვლინებაა
კიევ-პეჩორის ლავრაში ჩხრეკას არანაირი ახსნა და გამართლება არ აქვს, ეს კიევის რეჟიმის უზნეობის ახალი გამოვლინებაა,- ამის შესახებ რუსეთის საგარეო საქმეთა სამინისტროს წარმომადგენელმა, მარია ზახაროვამ განაცხადა.
მისი თქმით, ეს არის კიდევ ერთი ელემენტი, რომელიც "კიევის რეჟიმის აბსოლუტურად ამორალურ ქმედებებში" ორგანულად ჯდება.
"ამას არ აქვს გამართლება, ან ახსნა. ეს არის კიდევ ერთი ელემენტი, რომელიც ორგანულად ჯდება კიევის რეჟიმის აბსოლუტურად ამორალურ და ველურ ქმედებებში“,- განაცხადა ზახაროვამ.
შეგახსენებთ, რომ გუშინ, უკრაინის უსაფრთხოების სამსახურმა კიევ-პეჩორის ლავრაში ჩხრეკა დაიწყო.
უკრაინულმა მედიამ СБУ-ზე დაყრდნობით გაავრცელა ინფორმაცია, რომ კიევ-პეჩორის ლავრასა და სხვა მონასტრებში ჩხრეკის შედეგად აღმოჩენილია პრორუსული ლიტერატურა და რუსული რუბლები.
ავტორი: ექსპრესნიუსი,
epn.ge (@expressnews.ge)
