სეულის ერთ-ერთ რაიონში ჰელოუინის აღნიშვნაში მონაწილე 50-ზე მეტ ადამიანს "გულის გაჩერება" ჰქონდა. ამის შესახებ სამხრეთ კორეის სააგენტო Yonhap საგანგებო სამსახურებზე დაყრდნობით იუწყება.

მიზეზი ჭყლეტვა იყო. მსხვერპლი იყო იმ მასას შორის, რომელიც შეიკრიბა იტევონში, ჰამილტონის სასტუმროსთან ახლოს, პატარა ქუჩაზე.

სასწრაფო დახმარების სამსახურებმა 100-მდე დაღუპულის შესახებ იტყობინება. 80-ზე მეტ ადამიანს აღენიშნებოდა სუნთქვის პრობლემა, 50-ს ჰქონდა „გულის გაჩერება“. აქედან 21 ადამიანი საავადმყოფოში გადაიყვანეს. ჰოსპიტალიზებულთა უმეტესობა ახალგაზრდა ქალია; მათ შორის არის 10 წლის გოგონაც.

KBS-ის ბოლო მონაცემებით, ექიმებმა დაფიქსირეს ორი სიკვდილი. ამავდროულად, ვიდეოში შემთხვევის ადგილიდან, რომელიც სოციალურ ქსელებში გავრცელდა, ჩანს პოლიეთილენის პარკებით გზაზე დაწყობილი ცხედრები; სავარაუდოდ, ეს დაღუპულთა ცხედრებია.
კორეა ჰერალდმა აღნიშნა, რომ სეულის ხალხისთვის ეს არის პირველი შაბათ-კვირა ჰელოუინამდე პანდემიის დაწყების შემდეგ, როდესაც კორონავირუსის შეზღუდვები არ არის დაცული. გავრცელებულია ინფორმაცია, რომ 29 ოქტომბერს იტევონის რაიონში დაახლოებით 100 000 ადამიანი შეიკრიბა.

სამხრეთ კორეის პრეზიდენტმა, იუნ სოკ იოლმა გასცა ბრძანება, გამოეყოთ სასწრაფო საწოლები ახლომდებარე საავადმყოფოებში. იუნმა სიტუაციასთან დაკავშირებით საგანგებო შეხვედრა გამართა.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს