კანადამ სანქციები დააწესა რუსეთის 34 მოქალაქის წინააღმდეგ, რომლებიც კანადის საგარეო საქმეთა სამინისტროს ცნობით, მონაწილეობენ „რუსული დეზინფორმაციისა და პროპაგანდის გავრცელებაში“.

როგორც საგარეო საქმეთა სამინისტროს ვებგვერდზე განთავსებულ ინფორმაციაშია ნათქვამი, სანქციებში მოხვდა პროპაგანდისტი მედია მენეჯერი თინა კანდელაკი, გაზეთ Moskovsky Komsomolets-ის მთავარი რედაქტორი პაველ გუსევი, პირველი არხის საინფორმაციო პროგრამების დირექტორი კირილ კლეიმენოვი, ტელეწამყვანი ანდრეი კონდრაშოვი, ნაილია ასკერ-ზადე, ანატოლი კუზიჩევი. ოლესია ლოსევა, ანდრეი დობროვი, დიმიტრი გუბერნიევი, ჟურნალისტები ალექსანდრე გამოვი და ალექსანდრე კოტსი.

გარდა ამისა, სადამსჯელო ზომები შეეხო მსახიობებს სერგეი ბეზრუკოვს, ვლადიმერ მაშკოვს, დიმიტრი პევცოვს, პრეზიდენტის თანაშემწეს ვლადიმერ მედინსკის, როსნეფტის პრესმდივანს მიხაილ ლეონტიევს, ახალი ხალხის პარტიის ლიდერს ალექსეი ნეჩაევს. სანქციები ასევე დაწესდა ტელეკომპანია ზვეზდაზე, რომელსაც რუსეთის თავდაცვის სამინისტრო აკონტროლებს.

”რუსული რეჟიმის ომი დამოკიდებულია სიცრუეზე და მოტყუებაზე. ის აჩუმებს და აპატიმრებს საკუთარ მოქალაქეებს, რომლებიც გაბედავენ სიმართლის თქმას. რამდენადაც რუსული ადამიანის უფლებების დარღვევა მატულობს, კანადა ზომებს მიმართავს პროპაგანდის წინააღმდეგ, რომელიც ცდილობს მათ გამართლებას”,- განაცხადა კანადის საგარეო საქმეთა მინისტრმა, მელანი ჯოლიმ.

სანქციები ყინავს რუსეთის ნებისმიერ აქტივს კანადაში და კრძალავს კანადურ ფინანსურ ინსტიტუტებს მათთვის მომსახურების გაწევას. სანქცირებულ პირებს კანადაში შესვლა ეკრძალებათ.

ავტორი: ექსპრესნიუსი,

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა