2022-08-14 17:13:56, 1265 ნახვა
მსოფლიო
აფეთქება ერევანში - დაიღუპა ერთი, დაშავდა 40-ზე მეტი ადამიანი
სომხეთის დედაქალაქ ერევანში, სავაჭრო ცენტრ სურმალუში მომხდარი აფეთქების შედეგად დაშავებულთა რაოდენობამ 45-ს მიაღწია, ერთი ადამიანი დაიღუპა, იუწყება Trend სომხურ მედიაზე დაყრდნობით.
ხანძრის სალიკვიდაციო სამუშაოები ოთხ ადგილას მიმდინარეობს. სამუშაოებში ერევნის მუნიციპალიტეტის თოთხმეტი წყალგამტარი, რვა სატვირთო და სამი ტრაქტორია ჩართული. ცეცხლი 2 ათას კვადრატულ მეტრზეა გავრცელებული.
სავაჭრო ცენტრის მიმდებარე ტერიტორიებიდან მოქალაქეების ევაკუაცია მიმდინარეობს.
თვითმხილველები ამბობენ, რომ აფეთქება უკავშირდება სავაჭრო ცენტრში, ერთ-ერთ მაღაზიაში არსებულ პიროტექნიკას.
ავტორი: ექსპრესნიუსი,
epn.ge (@expressnews.ge)
