უკრაინის თავდაცვის მინისტრი ოლექსიი რეზნიკოვი თვლის, რომ Amnesty International-ის ანგარიში აჩვენებს, რომ ორგანიზაციამ „დაკარგა საღი აზრი“, ხოლო უკრაინელების გენოციდის გამართლებისა და მასზე წინააღმდეგობის უფლების ეჭვქვეშ დაყენების ნებისმიერი მცდელობა გარყვნილებაა.

კრიტიკულ მოხსენებაში , Amnesty-მ ჩამოთვალა 19 ქალაქში მომხდარი შემთხვევა, რა დროსაც  უკრაინულმა ძალებმა, როგორც ჩანს, ზიანი მიაყენეს მშვიდობიანი მოსახლეობას, საცხოვრებელ ადგილებში ბაზების შექმნით. -

 ”ნებისმიერი მცდელობა, კითხვის ნიშნის ქვეშ დადგეს უკრაინელების უფლება, წინააღმდეგობა გაუწიონ გენოციდს, დაიცვან თავიანთი ოჯახები და სახლები, დაიცვან თავიანთი და შვილების სიცოცხლე და წინააღმდეგობა გაუწიონ რუსეთის, როგორც ტერორისტული სახელმწიფოს ქმედებებს, არის გარყვნილება. რა ლეგალურ კონსტრუქციებშიც არ უნდა იყოს ჩაცმული.

რუსეთის არაპროვოცირებული აგრესიის უკრაინის თავდაცვასთან გაიგივების ნებისმიერი მცდელობა, თუნდაც შემთხვევით, როგორც ეს გაკეთდა Amnesty International-ის ანგარიშში, არის იმის მტკიცებულება, რომ ორგანიზაციამ დაკარგა საღი აზრი და ცდილობს საკუთარი ავტორიტეტი დაანგრიოს.

უკრაინა არის კანონიერი სახელმწიფო. ჩვენ ვაანალიზებთ და ვაფასებთ ომის მოვლენებს ყოვლისმომცველად, მათ შორის სამართლებრივი თვალსაზრისით, როგორც ამას ჩვენი ვალდებულებები მოითხოვს.მაგრამ ჩვენ არავის მივცემთ უფლებას შეურაცხყოს ჩვენი ჯარი, ჩვენი დამცველები. ამას როგორც ადვოკატი ვამბობ,"- წერს რეზნიკოვი.

ავტორი: ექსპრესნიუსი,

სოციალური ქსელები

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს