უკრაინის შეიარაღებული ძალების გენერალური შტაბის განცხადებით, მარიუპოლის გარნიზონმა საბრძოლო მისია დაასრულა, რის შემდეგაც  ქვედანაყოფების მეთაურებს მებრძოლების  სიცოცხლის გადარჩენა დაევალათ.

 შტაბის ცნობით, 53 მძიმედ დაჭრილი სამხედრო მოსამსახურის ევაკუაცია ორშაბათს დაიწყო. ისინი  სამედიცინო დაწესებულებაში გადაიყვანეს.

 "მარიუპოლის გარნიზონმა დაასრულა დაკისრებული საბრძოლო მისია. უმაღლესმა სამხედრო სარდლობამ უბრძანა აზოვსტალში დისლოცირებულ ქვედანაყოფების მეთაურებს, გადაერჩინათ პერსონალის სიცოცხლე. მიმდინარეობს ოპერაცია უკრაინის დამცველების გადასარჩენად, რომლებიც ბლოკირებულნი არიან უკრაინაში, ქარხნის ტერიტორიაზე“,- აცხადებს უკრაინის თავდაცვის მინისტრის მოადგილე ანა მალარი.

 მისი თქმით, კიდევ 211 დამცველი ევაკუირებული იქნა ჰუმანიტარული დერეფნის გავლით იელენოვკაში, შემდგომში ისინი უკრაინის მიერ კონტროლირებად ტერიტორიაზე დაბრუნდებიან.

 მოხსენებაში აღნიშნულია, რომ აზოვსტალის ტერიტორიაზე დარჩენილი დამცველების გადარჩენის ღონისძიებები გრძელდება.

შეგახსენებთ, რომ Reuters წყაროზე დაყრდნობით წერს, რომ  უკრაინელი სამხედრიების დაახლოებით 10-მა ავტობუსმა, აზოვსტალის ქარხანა დატოვა. 

ავტორი: ექსპრესნიუსი,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება