ევროკავშირმა უკრაინას მაკროფინანსური დახმარების 600 მილიონი ევროს ტრანში გამოუყო. აღნიშნულის შესახებ ინფორმაციას გამოცემა Bloomberg-ი ავრცელებს.

გამოცემა ევროკავშირის ხელმძღვანელობის წყაროებზე დაყრდნობით, აღნიშნავს, რომ 600 მილიონი ევროს გამოყოფა დამტკიცდა უკრაინის დასახმარებლად გადაუდებელ ფინანსურ საჭიროებებთან დაკავშირებით რუსეთის შემოჭრის ფონზე.

„ეს არის ევროკავშირის გადაუდებელი დახმარების პაკეტის 1,2 მილიარდი ევროს ნაწილი, რომელიც მიღებულ იქნა 2022 წლის დასაწყისში. ევროკომისია, სავარაუდოდ, ოთხშაბათს დაასრულებს პროცესს,“- აღნიშნულია გამოცემის მიერ მოპოვებულ ინფორმაციაში.

გარდა ამისა, ოფიციალურმა პირებმა განაცხადეს, რომ თანხების გადარიცხვა უახლოეს დღეებში იქნება შესაძლებელი.

შეგახსენებთ, რომ მარტის დასაწყისში ევროკავშირმა ხელი მოაწერა მემორანდუმს უკრაინას 1,2 მილიარდი ევროს მაკროფინანსური დახმარების გამოყოფის შესახებ. დაფინანსება ორ ტრანშად 12 თვის განმავლობაში გამოიყოფა.

ავტორი: ექსპრესნიუსი,

სოციალური ქსელები

SJC: რუსეთის მიერ ცხინვალის რეგიონის ფაქტობრივი ანექსია უფრო აგრესიულ ეტაპზე გადავიდა

„თეგეტამ“ „დეილი ჯგუფს“ საოპერაციო ლიზინგის ფარგლებში FAW-ის 50 სატვირთო ავტომობილი მიაწოდა

ბერა ივანიშვილზე დაწერილი პოსტის გამო, ნატა ფერაძე სასამართლოში დაიბარეს

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია