უკრაინის საგარეო საქმეთა მინისტრმა დიმიტრი კულებამ მსოფლიოს წამყვან ქვეყნებს შესთავაზა შეიქმნას სპეციალური ტრიბუნალი, რომელიც გაასამართლებს რუსეთის ხელმძღვანელობას უკრაინაში შეიარაღებული შემოჭრისთვის.

"ჩვენ გვჭირდება სპეციალური ტრიბუნალი უკრაინის წინააღმდეგ ჩადენილი დანაშაულებისთვის, რათა პასუხი აგოს რუსეთის ხელმძღვანელობამ. გუშინ მე ვისაუბრე ვილნიუსში ამ საკითხზე პირველ საერთაშორისო კონფერენციაზე. მადლობას ვუხდი ორგანიზატორებს და ვიმეორებ ჩემს მოწოდებას მხარი დაუჭიროს ტრიბუნალის შექმნას,"-წერს კულება ტვიტერში.

აპრილის ბოლოს, რამდენიმე ქვეყანამ და საერთაშორისო ორგანიზაციამ, მათ შორის გაერომ, პირობა დადო, რომ ყველაფერს გააკეთებდნენ, რათა პასუხისმგებაში მიეცენ რუსეთის შემოჭრის დროს ომის დანაშაულებებზე პასუხისმგებელი პირები. საერთაშორისო სისხლის სამართლის სასამართლოს პროკურორმა კარიმ ხანმა განაცხადა, რომ 43 ქვეყანამ შეიტანა ბრალდებები უკრაინაში ომის კანონების დარღვევის შესახებ.

წინა დღეს ცნობილი გახდა, რომ ჯანდაცვის მსოფლიო ორგანიზაცია აგროვებს მტკიცებულებებს უკრაინაში სამედიცინო დაწესებულებებზე რუსული დარტყმების გამო სამხედრო დანაშაულების შესაძლო გამოძიებისთვის.

ავტორი: ექსპრესნიუსი,

სოციალური ქსელები

მარნეულში 6 ადამიანი ტორტით მოიწამლა, მოკვლევა დაწყებულია

ხალხის ტოტალური კონტროლისთვის არ იქნება აუცილებელი მოქალაქის მიმართვა, რეჟიმი თავად მოძებნის კრიტიკოსებს

დეკანოიძე - საკვებ პროდუქტებზე ფასები დაავიწყდათ, სამაგიეროდ, მდინარაძის ფუნქციისთვის კიდევ უფრო მეტი ჩვენი ფული დაიხარჯება

თიბისი კაპიტალმა მსხვილი ბიზნესისთვის სასესხო პორტფელის სავალუტო სტრუქტურის შესახებ რეკომენდაციები გამოაქვეყნა - მკითხველის კომენტარებზე პასუხებთან ერთად