აჭარის ჯანმრთელობისა და სოციალური დაცვის მინისტრმა, ნინო ნიჟარაძემ სამინისტროს 2021 წლის ბიუჯეტის შესრულების ანგარიში უმაღლესი საბჭოს ჯანმრთელობის დაცვისა და სოციალურ საკითხთა კომიტეტის სხდომაზე წარადგინა.

სხდომას კომიტეტის თავმჯდომარე ილია ვერძაძე უძღვებოდა. კომიტეტის წევრებმა მხარი დაუჭირეს წლიური ანგარიშის პლენარულ სხდომაზე გატანას, ხოლო წარდგენილი კვარტალური ანგარიში ცნობად მიიღეს.

აჭარის ჯანდაცვის სამინისტროს ინფორმაციით, გასულ წელს სამინიტროს ბიუჯეტი 27 200 000 ლარს შეადგენდა და ბიუჯეტი 94%-ით შესრულდა. ჯანმრთელობის დაცვის მიმართულებით  13 028 502 ლარი დაიხარჯა, პროგრამებით 9 029 ბენეფიციარმა  ისარგებლა. სოციალური დაცვის მიმართულებით დაიხარჯა 7 541 718 ლარი, პროგრამებით ისარგებლა 3 473-მა ბენეფიციარმა. საზოგადოებრივი ჯანდაცვის მიმართულებით დაიხარჯა 2 219 983 ლარი, ხოლო დასაქმების მიმართულებით 711 467 ლარი.

2021 წლის ბიუჯეტიდან 2 439 675 ლარი გამოიყო ქალაქ ბათუმის 170 საწოლზე გათვლილი მრავალპროფილური კლინიკური საავადმყოფოს აღჭურვის, ფუნქციონირების, რისკ ჯგუფების ინდივიდუალური დაცვის საშუალებებითა და საკარანტინე სივრცეების სამედიცინო პერსონალით უზრუნველყოფისათვის.

კომიტეტის სხდომაზე მინისტრმა 2022 წლის ბიუჯეტის პირველი კვარტლის შესრულების შესახებაც ისაუბრა. მიმდინარე წელს უწყების ფინანსური დოკუმენტი 28 432 100 ლარს შეადგენს, პირველი კავრტალის მომნაცემებით გეგმა 87%-ით შესრულდა. პროგრამებით ისარგებლა 3 996-მა ბენეფიციარმა ისარგებლა. სამინიტრო წელს საქვეუწყებო დაწესებულებებთან ერთად 36 პროგრამას ახორციელებს. 

მიდმინარე წელს აჭარის ჯანდაცვის სამინისტრომ დაიწყო იდიოპათიური მაანკილოზირებული სპონდილიტით, ფსორიაზითა და ფსორიაზული ართრიტით დაავადებული პაციენტების მკურნალობის დაფინანსება ძვირადღირებული ბიოლოგიური მედიკამენტებით. დაიწყო ტყვიის ექსპოზიციის კვლევა 7-დან 15 წალმდე ასაკის ბავშვებში. მიმდინარე წლის ივლისის თვიდან იგეგმება უშვილო წყვილების მკურნალობის დაფინანსება. ასევე დაგეგმილია ტურიზმის სფეროში სამუშაო გამოცდილებისა და განათლების მქონე პირთა გადამზადება საზღვაო სფეროში დასაქმების ხელშეწყობის მიზნით.

ავტორი: NS (სტატია დაფინანსებულია),

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს