2022-03-29 17:25:10, 833 ნახვა
მსოფლიო
ვლადიმერ პუტინის თანაშემწე - რუსეთი უკრაინის ევროკავშირში გაწევრიანების წინააღმდეგი არ არის
რუსეთი არ არის უკრაინის ევროკავშირში შესვლის წინააღმდეგი, - ამის შესახებ რუსეთის ფედერაციის პრეზიდენტის თანაშემწემ, ვლადიმერ მედინსკიმ განაცხადა, რომელიც რუსეთის დელეგაციას ხელმძღვანელობს კიევთან მოლაპარაკებებზე.
„თავის მხრივ, რუსეთის ფედერაცია არ აპროტესტებს უკრაინის სურვილს გაწევრიანდეს ევროკავშირში“, - განაცხადა მედინსკიმ.
ამასთან, მედინსკიმ უკრაინის წინადადებებს კომპრომისისკენ გადადგმული კონსტრუქციული ნაბიჯი უწოდა.
შეგახსენებთ, მოსკოვისა და კიევის დელეგაციებს შორის უკრაინაში სიტუაციის მოგვარების შესახებ მოლაპარაკებები სტამბულში ცოტა ხნის წინ დასრულდა.
ავტორი: ექსპრესნიუსი,
epn.ge (@expressnews.ge)
