ღარიბაშვილი ახლა იტყვის, „ქართული ოცნების“ უკან „ნაციონალური მოძრაობა“ დგასო და მთელი მათი ათწლიანი დანაშაული და წარუმატებელი საქმიანობა, ალბათ გადმობრალდება „ნაცმოძრაობას“ , - ამის შესახებ „ნაცმოძრაობის“ წევრმა, რომან გოცირიძემ პარლამენტის პლენარულ სხდომაზე სიტყვით გამოსვლისას განაცხადა.

რომან გოცირიძის თმით, „ქართული ოცნების“ ყველა განცხადება შეურაცხყოფას აყენებს საქართველოს მოქალაქეებს, რადგან მათ ადამიანები მიაჩნიათ ბრიყვებად და ცხვრის ფარად და საკუთარი განცხადებებით, ცდილობენ შეცდომაში შეიყვანონ მოსახლეობა.

„ქართული ოცნების“ ყველა განცხადება შეურაცხყოფას აყენებს საქართველოს მოქალაქეებს, ადამიანები მიაჩნიათ ბრიყვებად და ცხვრის ფარად, როდესაც თავისი სულელური განცხადებებით უნდათ მათი შეცდომაში შეყვანა, მაგრამ არავინ ტყუვდება და ძალიან ცდებით, თუ ხალხზე გაქვთ მსგავსი წარმოდგენა. გუშინ მორიგი სისულელე განაცხადა მთავრობის ხელმძღვანელმა, თურმე საწვავის გაძვირების საწინააღმდეგო აქციების უკან დგას „ნაციონალური მოძრაობა“ - წარმოგიდგენიათ, ადამიანები გამოვიდნენ ქუჩაში, გააპროტესტეს ის რაც ხდება და თურმე „ნაციონალური მოძრაობაა“ მათ უკან. მართლა შოკში აღმოჩნდებიან ეს დეპუტატები, როცა გაიგებენ, რომ იცით, რა „ქართული ოცნების“ უკან „ნაციონალური მოძრაობა“ დგას  - ამას იტყვის ახლა ღარიბაშვილი, მთელი ეს ათწლიანი დანაშაული და წარუმატებელი საქმიანობა ალბათ გადაბრალდება „ნაციონალურ მოძრაობას“, თურმე ჩვენ ვმართავთ მსოფლიოს, უკრაინას ვმართავთ, აშშ-ის კონგრესს ვმართავთ, ევროპარლამენტს ვმართავთ და თუ მთელ მსოფლიოს ჩვენ ვმართავთ, გაიწიეთ რა და გვამართინეთ ქვეყანა და ნახავთ, როგორი ფასები და ეკონომიკური მდგომარეობა იქნება ქვეყანაში“, - განაცხადა რომან გოცირიძემ.

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს