2022-03-29 11:17:40, 883 ნახვა
მსოფლიო
რუსეთისა და უკრაინის დელეგაციებს შორის მოლაპარაკებები დაიწყო - დიალოგი შუამავალ ქვეყანაში, თურქეთში მიმდინარეობს
თურქეთში, სტამბოლში რუსეთისა და უკრაინის დელეგაციებს შორის მოლაპარაკებების მორიგი რაუნდი დაიწყო.
მოლაპარაკებების წინ ორი ქვეყნის ლიდერებს თურქეთის პრეზიდენტმა, რაჯეფ თაეფ ერდოღანმა მიმართა და განაცხადა, რომ დადგა კონკრეტული შედეგების მოპოვების დრო.
თურქეთის პრეზიდენტმა მხარეებს ცეცხლის შეწყვეტისკენ მოუწოდა და აღნიშნა, რომ ამ ტრაგედიის შეჩერება ორივე მხარის გადასაწყვეტია.
ცნობისთვის, გუშინ, The Financial Times-მა დაწერა, რომ რუსეთი მოლაპარაკებების ფარგლებში უკრაინის „დენაციფიკაციას“ აღარ ითხოვს და მზად არის, რომ ქვეყანას ევროკავშირში გაწევრიანების „ნება დართოს“, თუმცა ის კატეგორიული წინააღმდეგია, რომ უკრაინა ნატო-ში გაწევრიანდეს.
ავტორი: ექსპრესნიუსი,
epn.ge (@expressnews.ge)
