2022-03-21 21:10:58, 901 ნახვა
მსოფლიო
უკრაინის ქალაქი ავდიივკა და მისი მიმდებარე ტერიტორიები რუსი ოკუპანტების ავიაციისა და საარტილერიო ცეცხლის ქვეშ მოჰყვა
21 მარტს, უკრაინის მთავრობის დონეცკის რეგიონალური სამხედრო ადმინისტრაციის ხელმძღვანელმა, პავლო კირილენკომ განაცხადა, რომ ქალაქი ავდიივკა და მისი მიმდებარე ტერიტორიები რუსული ავიაციისა და საარტილერიო ცეცხლის ქვეშ მოჰყვა.
პავლო კირილენკომ Telegram-ზე გამოქვეყნებულ განცხადებაში თქვა, რომ ბოლო თავდასხმების შედეგად, სულ ცოტა, ერთი მშვიდობიანი მოქალაქე მაინც დაიღუპა და სულ მცირე ორი მაინც დაიჭრა.
მისი თქმით, რუსული დაბომბვის შედეგად დაზიანდა მეორე მსოფლიო ომის დროინდელი ძეგლები და წითელი არმიის ჯარისკაცების კოლექტიური საფლავები, იმ ჯარისკაცების, რომლებიც მეორე მსოფლიო ომში, ნაცისტურ გერმანიას ქალაქ ტორეცკის მახლობლად, ებრძოდნენ.
ავტორი: ექსპრესნიუსი,
epn.ge (@expressnews.ge)
