ამ მოძახილებსა და მოწოდებებს სჯობს, თანხა გადაიხადონ, რათა უკრაინელებს რეალური დახმარება გავუგზავნოთ, - ამის შესახებ პარლამენტის პირველი ვიცე-სპიკერმა დავით სერგეენკომ ჟურნალისტებს ოპოზიციაზე საუბრისას განუცხადა.

მისი თქმით, საქართველოს რუსეთის მიმართ სანქციების მთელი რიგი პაკეტი 2008 წლიდან უკვე დაწესებული აქვს და მას კანონი „ოკუპირებული ტერიტორიების შესახებ“ ეწოდება.

სერგეენკოს განმარტებით, „პროცესი დინამიურია და ოპოზიციის მოძახილები სანქციებზე შეერთების თაობაზე უკვე ძალიან მომაბეზრებელია“.

„ორი კვირაა პარლამენტი აგროვებს თანხას, ყიდულობს ჰუმანიტარულ დახმარებას და აგზავნის. ამაში ოპოზიციას მონაწილეობა არ მიუღია. ტვირთი არის საქართველოს პარლამენტიდან და არა „ქართული ოცნებიდან“. ანგარიში ერთი კვირის წინ გავხსენით და თანხა ოპოზიციიდან არავინ შემოიტანა. ვიფიქრე, ამის შესახებ ვერ გაიგეს და გუშინ მესიჯები კიდევ გავუგზავნეთ. დღეს დილით გადავამოწმე და კიდევ არ არის. ამ მოძახილებსა და მოწოდებებს სჯობს, თანხა გადაიხადონ, რათა უკრაინელებს რეალური დახმარება გავუგზავნოთ“, - განაცხადა დავით სერგეენკომ.

ავტორი: NS (სტატია დაფინანსებულია),

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს