2022-03-15 21:49:50, 671 ნახვა
მსოფლიო
რუსი ოკუპანტები მედიის წარმომადგენლების ხოცვას კვლავ აგრძელებენ - დაღუპულია უკრაინელი ჟურნალისტი
რუსმა სამხედროებმა უკრაინაში კიდევ ერთი ჟურნალისტი მოკლეს. შემთხვევა კიევის რაიონის, სოფელ გორენკაში, რუსი ოკუპანტების მიერ საარტილერიო დაბომბვისას მოხდა. ამის შესახებ შინაგან საქმეთა მინისტრის მრჩეველმა, ანტონ გერაშჩენკომ განაცხადა .
მისი თქმით, ტელეკომპანია FoxNews-ის ოპერატორი, პიერ ზაკრევსკი და უკრაინელი ჟურნალისტი, ალექსანდრა კურშინოვა დაიღუპნენ.
„რუსი ფაშისტები ჟურნალისტების ხოცვას კვლავ აგრძელებენ. ტელეკომპანია FoxNews-ის ოპერატორი, ირლანდიის მოქალაქე, პიერ ზაკრევსკი და უკრაინელი ჟურნალისტი, ალექსანდრა კურშინოვა რუსული ფაშისტური ჯარების მიერ, სოფელ გორენკას ჩრდილო-აღმოსავლეთ ნაწილში, საარტილერიო დაბომბვის შედეგად დაიღუპნენ", - ნათქვამია მოხსენებაში.
ავტორი: ექსპრესნიუსი,
epn.ge (@expressnews.ge)
