მაშინ, როცა ასეთი რთული პროცესები მიმდინარეობს რეგიონში, ფართომასშტაბიანი ომი მიმდინარეობს უკრაინაში, მე და მთავრობის თითოეულ წევრს მიგვაჩნდა და მიგვაჩნია, რომ საქართველოს პრეზიდენტი, მთავარსარდალი უნდა ყოფილიყო და უნდა იყოს ქვეყანაში, - ამის შესახებ პრემიერ-მინისტრმა ირაკლი ღარიბაშვილმა ჟურნალისტებთან საუბრისას განაცხადა.

„ეს იყო ჩვენი მთავარი არგუმენტი და მოტივაცია იმისა, რომ უარი გვეთქვა მის ვიზიტზე. აქვე დავამატებდი, რომ ისევ საქართველოს კონსტიტუციის მიხედვით, საგარეო პოლიტიკას განსაზღვრავს საქართველოს პარლამენტი და აღასრულებს, განახორციელებს საქართველოს მთავრობა. შესაბამისად, პრეზიდენტის ნებისმიერი შეხვედრა, ვიზიტი უნდა თანხმდებოდეს კონსტიტუციის მიხედვით საქართველოს მთავრობასთან. მე მგონი აქ ყველაფერი ნათელია“, - განაცხადა პრემიერმა.

შეგახსენებთ, რომ გუშინდელი მოხსენებისას პრეზიდენტმა ზურაბიშვილმა განაცხადა, რომ მან მთავრობისგან მოითხოვა ოფიციალური ვიზიტით საზღვარგარეთ გაშვება, რაზეც უარი მიიღო, შემდგომ კი, თავისი გადაწყვეტილებით გაემგზავრა საფრანგეთში, ბრიუსელში და მსოფლიო სხვა ქვეყნებში ლიდერებთან შესახვედრად. აღნიშნულთან დაკავშირებით, მმართელ გუნდში განაცხადეს, რომ პრეზიდენტმა დაარღვია კონსტიტუცია და დღეს, პოლიტსაბჭოს სხდომაზე მიიღეს გადაწყვეტილება, რომ სალომე ზურაბიშვილის წინააღმდეგ საკონსტიტუციო სასამართლოსთვის მიემართათ. 

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს