„დაჟინებით ვითხოვთ განმარტებას, როგორ აპირებენ ალიანსისა და ეუთო-ს წევრი ქვეყნები ვალდებულების შესრულებას - არ გაამყარონ საკუთარი უსაფრთხოება სხვათა უსაფრთხოების ხარჯზე“, - ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

მისი თქმით, ალიანსისა და ეუთო-ს წევრი ქვეყნები ბერლინის კედლის დაცემის შემდეგ დადებულ პირობას, არ ასრულებენ და სხვების უსაფრთხოების ხარჯზე ქვეყნების მიღებას აგრძელებენ.

„დღეს, საგარეო საქმეთა სამინისტროს ხაზით ჩვენ კოლეგებს ალიანსისა და ეუთო-ს ქვეყნებში ვუგზავნით მოთხოვნას, რომლითაც დაჟინებით ვითხოვთ განმარტებას, როგორ აპირებენ ისინი ვალდებულების შესრულებას, არ გაამყარონ საკუთარი უსაფრთხოება სხვათა უსაფრთხოების ხარჯზე. თუკი არ აპირებენ, აგვიხსნან რატომ. ყოველ ჯერზე გამოდის, რომ ხაზი, რომლის დაცვაც მათ ევალებათ, სულ უფრო მეტად მიიწევს აღმოსავლეთისკენ. ახლა ის სულ უფრო მოუახლოვდა უკრაინას. სურთ, ეს ქვეყანაც იქ შეიყვანონ. თუმცა კი, ყველასთვის გასაგებია, რომ უკრაინა არ არის მზად და ნატოს უსაფრთხოების გაძლიერებაში ვერავითარ წვლილს ვერ შეიტანს. ჩრდილოატლანტიკური ალიანსი არ შეიძლება ჩაითვალოს თავდაცვითად, თუ გავითვალისწინებთ მის ოპერაციებს იუგოსლავიაში, ლიბიასა და ავღანეთში. როდესაც ცივი ომი მიმდინარეობდა და ბერლინის კედელი არსებობდა, ცხადი იყო, რა ტერიტორია უნდა დაეცვა, კედელი დაინგრა, ეუთოს ფარგლებში ჩვენ გამოვაცხადეთ მარადიული მეგობრობა, უსაფრთხოების განუყოფლობა, სოლიდარობა, შევთანხმდით, რომ არავინ უნდა გააძლიერონ თავიანთი უსაფრთხოება სხვების ხარჯზე – ისინი კი ისევ აგრძელებენ ქვეყნების მიღებას“, - აღნიშნა სერგეი ლავროვმა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს