2022-01-06 11:42:27, 890 ნახვა
მსოფლიო
რუსული მედიის ინფორმაციით, რუსეთმა ყაზახეთში სამხედროების გადასროლა დაიწყო
რუსეთმა ყაზახეთში სამხედროების გადასროლა დაიწყო, – ამის შესახებ ინფორმაციას რუსული მედიასაშუალებები ავრცელებენ.
სააგენტო „რია ნოვოსტი“ წერს, რომ ყაზახეთში სამშვიდობო კონტინგენტის რუსული ნაწილის გაგზავნა რუსეთის საჰაერო–კოსმიური ძალების სამხედრო–სატრანსპორტო ავიაციით ხდება.
ცნობისვის, გვიან ღამით ყაზახეთის პრეზიდენტმა ქვეყანაში მიმდინარე მოვლენები შეაფასა, როგორც საგარეო აგრესიის აქტი და კოლექტიური უსაფრთიხოების ხელშეკრულების ორგანიზაციის ლიდერებს მიმართა თხოვნით, დახმარება გაეწიათ. მოგვიანებით, სომხეთის პრემიერ–მინისტრმა ნიკოლ ფაშინიანმა, ყახაზეთში კოლექტიური სამშვიდობო ძალების გაგზავნის გადაწყვეტილება მიიღო. უსაფრთხოების ხელშეკრულების ორგანიზაციის წევრები არიან რუსეთი, სომხეთი, ბელარუსი, ყირგიზეთი, ტაჯიკეთი და ყაზახეთი.
ავტორი: ექსპრესნიუსი,
epn.ge (@expressnews.ge)
